Pradpryjemstva «Stravita» z 1 śniežnia 2023 hoda pačało zaklučać damovy strachavańnia ŭ kitajskich juaniach. Heta mahčyma pry strachavańni žyćcia i dadatkovaj piensii, piša Office Life.
Klijenty, jakija vybieruć kitajski juań u jakaści valuty strachavańnia, zmohuć pravodzić vypłatu ŭsich strachavych uznosaŭ u biełaruskich rublach. Strachavyja vypłaty ŭ hetym vypadku taksama buduć pravodzicca ŭ biełaruskaj valucie.
Usie raźliki buduć ažyćciaŭlacca pa aficyjnym kursie Nacyjanalnaha banka na datu pieraličeńnia hrašovych srodkaŭ.
Kitajskaja valuta stanovicca ŭsio bolš papularnaj u Biełarusi i jak srodak raźlikaŭ, i ŭ metach źbieražeńnia. U listapadzie 2023-ha Nacbank paviedamlaŭ, što ŭ ekspartna-impartnych raźlikach dola juania pieravysiła 10%.
Biełaruskija banki taksama pašyrajuć liniejki ŭkładaŭ u kitajskaj valucie. Naprykład, u Alfa-Banku depazity ŭ kitajskich juaniach ciapier adkryvajucca pad 3,25% hadavych. Heta našmat bolš vyhadna za ŭkłady ŭ dalarach ci jeŭra.
Kamientary