Iryna Abielskaja pryviezła ŭ Zimbabve padarunki «ad Łukašenki»
Dyrektarka Respublikanskaha kliničnaha miedycynskaha centra Kiraŭnictva spravami Łukašenki Iryna Abielskaja pryviezła padarunki ŭ Zimbabve. Razam ź joju byŭ biznesmien Alaksandr Zinhman.
Jak paviedamlaje kanał zimbabvijskaha Mininfarma, Abielskaja pryviezła ŭ padarunak mabilnuju kliniku z sučasnym adździaleńniem hiniekałahičnaha, ankałahičnaha skryninha. Mabilnaja klinika abstalavana sučasnaj ličbavaj mamahrafičnaj sistemaj, jakaja «ŭjaŭlaje saboj hihancki skačok napierad u našaj zdolnaści zmahacca z rakam małočnaj załozy», piša zimbabvijski kanał. Taksama klinika maje dyjahnastyčny ŭltrahukavy aparat.
Prezident Zimbabve Emiersan Mnanhahva asabista sustrakaŭ, jak havorycca ŭ paviedamleńni, hety «padarunak ad Alaksandra Łukašenki».
Pry pieradačy mabilnaj kliniki prysutničaŭ skandalna viadomy biznesmien Alaksandr Zinhman.
Pieršaja łedzi Zimbabve Aksilija Mnanhahva zładziła viačeru ŭ honar Iryny Abielskaj.
Žonka prezidenta Zimbabve Aksilija Mnanhahva 5 krasavika pryjazdžała ŭ Minsk i naviedvała Respublikanski kliničny miedycynski centr Kiraŭnictva spravami Łukašenki, jakim kiruje Iryna Abielskaja.
U studzieni 2023 hoda Abielskaja była ŭ składzie biełaruskaj delehacyi padčas vizitu Alaksandra Łukašenki ŭ Charare. Jaje pobač ź Mikałajem Łukašenkam, mierkavanym synam Abielskaj, zaŭvažyli na ŭračystym pryjomie.
Ambicyjnyja płany. «Biellehpram» choča apranuć kala 2 młn zimbabvijskich školnikaŭ i vycisnuć z hetaha rynku kitajcaŭ
U Biełarusi adkryli pasolstva Zimbabve
Miascovyja ŚMI: Łukašenka pryjazdžaŭ u Zimbabve pa lityj
Dola Zimbabve ŭ ekanomicy Biełarusi mizernaja. Čamu tady prapahanda nadaje stolki ŭvahi vizitu Łukašenki ŭ hetuju krainu?
Łukašenka choča zrabić biełaruski handlovy chab u Zimbabve. Ale heta nie toje miesca, «dzie nas nie viedajuć»
Kamientary