Nie tolki «Bi-2». Palavańnie na zorak z antyvajennaj pazicyjaj u Tajłandzie idzie pa zamovie MZS Rasii
Zatrymańnie hurta «Bi-2» stała trecim incydentam u Tajłandzie z artystami, jakija vystupili suprać vajny.
Udzielniki kalektyvu siońnia byli zatrymanyja ŭ hateli na Pchukiecie paśla taho, jak napiaredadni adyhrali tam vialiki kancert. Farmalnaja pryčyna — adsutnaść u kalektyvu dazvołu na pracu. Ale kalektyŭ «Bi-2» viadomy svajoj antyvajennaj pazicyjaj. A Lova «Bi-2» (sapraŭdnaje imia Jahor Bortnik) pryznany rasijskim Miniustam «zamiežnym ahientam».
Jak raspavioŭ kanału «MO» naviedvalnik kancerta, «sam vystup u zale Illuzion Phuket prajšoŭ hładka i dobra, bieź incydentaŭ, było poŭna narodu — poŭnaja zała».
Žychar Pchukieta, rasijski pradziusar Uładzimir Voranaŭ u hutarcy z «MO» zaŭvažyŭ:
«Napeŭna chtości nastukaŭ. Kali ŭ ich i praŭda nie było dazvołu na pracu, to nie dziva, što aryštavali. Ale heta vialiki hurt, usie viedali pra kancert, rekłamy było poŭna».
U studzieni na Pchukiet byli admienienyja vystupy komikaŭ Rusłana Biełaha i Maksima Hałkina — tam sprava nie dajšła navat da kancertaŭ, niahledziačy na šyrokuju rekłamu.
Jak vyśvietliŭ «MO», usie hetyja vypadki źviazany z kampanijaj suprać artystaŭ z antyvajennaj pazicyjaj, jakuju viadzie pasolstva Rasii ŭ Tajłandzie, a mienavita — Hienieralny konsuł Rasii ŭ Pchukiet Uładzimir Sasnoŭ.
Pradstaŭnictva Rasii na vostravie było z pompaj adkryta ŭ minułym hodzie asabista ministram zamiežnych spraŭ Siarhiejem Łaŭrovym.
Tajłand dahetul z pašanaj prymaje kiraŭnika MZS RF i nie dałučyŭsia ni da jakich sankcyj suprać Rasii.
Čytajcie taksama:
Kančatkova admianili brescki kancert kamandy KVZ «Ujezdnyj horod». Niama cikavaści
-
Amierykanski mirny płan praduhledžvaje demilitaryzavanuju zonu na Danbasie i admovu Ukrainy ad ustupleńnia ŭ NATA
-
«Skarby, znojdzienyja na haryščy». Kalekcyju kartak Pokemon malara-piensijaniera pradali za dva miljony dalaraŭ
-
U Ńju-Jorku vyrašyli zabaranić adnu ź vizitnych kartak horada — konnyja ekipažy Centralnaha parku
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary