Sierhiejenka: Kadravaha hoładu niama, ale byvaje prablema, kaho pryznačać
Kiraŭnik administracyi Łukašenki Ihar Sierhiejenka paśla sustrečy sa svaim načalnikam pryznaŭ, što ŭ ich jość prablemy z pryznačeńniami na niekatoryja pasady, ale admoviŭsia ličyć heta kadravym hoładam.
«Ja b nie skazaŭ, što ŭ nas kadravy hoład, ale kadravyja prablemy pry pryznačeńni na asobnyja kiraŭničyja pasady jość», — cytuje Sierhiejenku BiełTA.
«Dumaju, mnohija kiraŭniki sa mnoj pahodziacca, što praca pa padbory kadraŭ — samaja składanaja. U kožnaha kiraŭnika, jaki dumaje pra budučyniu svajho pradpryjemstva, rajona, vobłaści, pracoŭny dzień pačynajecca z hetaha pytańnia i zaviaršajecca im. Talenavitych ludziej šmat, ich treba znachodzić, dla hetaha isnuje masa formaŭ — kab vyłučyć čałavieka, jaki budzie vykonvać pracu, a nie prosta havarun i vyskačka», — dadaŭ jon.
Siońnia Alaksandr Łukašenka, pryznačajučy novaha ministra achovy zdaroŭja, zajaviŭ, što jon metanakiravana pravodzić ratacyju kadraŭ pierad elektaralnymi kampanijami 2024 i 2025 hadoŭ.
Cichanoŭski patłumačyŭ, čamu jon tak pavodziŭ siabie ŭ Ńju-Jorku114
Kamientary