Žančyna ŭ biełaruskaj vioscy razvodzić kurej, jakija niasuć zialonyja i błakitnyja jajki
U tyktoku raspaŭsiudziłasia videa ź biełaruskaj vioski — pra kurej, jakija niasuć roznakalarovyja jajki. Za sutki rolik užo pahladzieli bolš za 630 tys. čałaviek, zaŭvažyŭ Telegraf.news.
Na videa žančyna raskazała, što joj napisała vielmi šmat ludziej paśla adnaho z papiarednich rolikaŭ, na jakim jana prademanstravała błakitnyja i zialonyja jajki ad kurej z ułasnaha padvorka. Hledačy paprasili pakazać samich «hieraiń».
«Ja i nie dumała navat, što ludzi nie viedajuć pra isnavańnie kalarovych jajek. Dakładna vam skažu, što nie dynazaŭry ich niasuć», — pažartavała haspadynia ptušak.
Jana patłumačyła, što kalarovyja jajki niasuć kurycy parody araŭkana. Darečy, takija ptuški mohuć nieści jajki i aliŭkavaha koleru.
Kuryc araŭkana ŭ haspadyni dźvie, adnu ź ich kličuć Čubaturka. Astatnija niasuški miascovyja, biełaruskija. Jość u žančyny i pieŭnik pa imieni Piatruś, a jašče sabaka i koška.
Kamientary