Жанчына ў беларускай вёсцы разводзіць курэй, якія нясуць зялёныя і блакітныя яйкі
У тыктоку распаўсюдзілася відэа з беларускай вёскі — пра курэй, якія нясуць рознакаляровыя яйкі. За суткі ролік ужо паглядзелі больш за 630 тыс. чалавек, заўважыў Telegraf.news.
На відэа жанчына расказала, што ёй напісала вельмі шмат людзей пасля аднаго з папярэдніх ролікаў, на якім яна прадэманстравала блакітныя і зялёныя яйкі ад курэй з уласнага падворка. Гледачы папрасілі паказаць саміх «гераінь».
«Я і не думала нават, што людзі не ведаюць пра існаванне каляровых яек. Дакладна вам скажу, што не дыназаўры іх нясуць», — пажартавала гаспадыня птушак.
Яна патлумачыла, што каляровыя яйкі нясуць курыцы пароды араўкана. Дарэчы, такія птушкі могуць несці яйкі і аліўкавага колеру.
Курыц араўкана ў гаспадыні дзве, адну з іх клічуць Чубатурка. Астатнія нясушкі мясцовыя, беларускія. Ёсць у жанчыны і пеўнік па імені Пятрусь, а яшчэ сабака і кошка.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары