U Homieli raźvitalisia ź viadomym intelektuałam, jakoha zatrymlivali padčas pratestaŭ
U Homieli adbyłosia pachavańnie Alaksandra Šmidava — pavažanaha piensijaniera, znataka, jakoha viedajuć jak udzielnika papularnych intelektualnych šou «Što? Dzie? Kali?» i «Svaja hulnia». Pra jaho śmierć stała viadoma 2 sakavika, piša «Fłahštok».
Jahonyja dzieci žyli ŭ Izraili i źbiralisia zabrać baćku da siabie paśla taho, jak u jaho vyjavili ankałohiju — ale nie paśpieli.
«U kancy śniežnia tata napisaŭ nam, što ŭ jaho znajšli rak i para vyvozić jaho ŭ Izrail. My nieadkładna kinulisia telefanavać pa ŭsich znajomych habrejskich arhanizacyjach i praviarać, što možna zrabić. Zrabić možna było niašmat, tolki dziejničać pa standartnaj pracedury repatryjacyi, jakaja zajmaje prykładna dva miesiacy», — raspaviała na staroncy Alaksandra jahonaja dačka.
U lutym Alaksandr pavinien byŭ lacieć u Izrail, ale dvojčy trapiŭ u lakarniu i ŭ vyniku tam pamior — miedyki nie zmahli jaho ŭratavać.
«Pajšoŭšy na piensiju, jon śviadoma abmiežavaŭ adnosiny, syšoŭ va ŭnutranuju emihracyju, u luboje nadvorje chadziŭ płavać na Sož… I choć abiedźvie dački ŭžo žyli ŭ Izraili, źjazdžać nie chacieŭ. I nie źjechaŭ…», — napisała ŭ sacsietcy siabroŭka siamji.
Uvohule na jahonaj staroncy ŭ Fejsbuku mnohija pakinuli dobryja ŭspaminy.
Alaksandr viadomy taksama tym, što ŭ 2020 hodzie ŭdzielničaŭ u akcyjach piensijanieraŭ suprać hvałtu z boku siłavikoŭ u dačynieńni da pratestoŭcaŭ i falsifikacyi prezidenckich vybaraŭ. Jaho razam ź inšymi piensijanierami zatrymlivali milicyjanty.
Taksama Alaksandr padtrymlivaŭ Ukrainu ŭ jaje baraćbie z rasijskimi ahresarami.
Ciapier čytajuć
Za padpisku na kanały treš-błohiera Mełstroja ciapier buduć karać1
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary