Abjavili zbor na nadmahilny pomnik pamierłamu za kratami Iharu Ledniku
Na płatformie «Bajsoł» abjavili zbor na ŭstalavańnie pomnika na mahile palitviaźnia z Barysava Ihara Lednika. Pra śmierć za kratami hetaha pravaabaroncy, hramadskaha i palityčnaha dziejača stała viadoma 20 lutaha. Zbor na pomnik adkryŭ syn niabožčyka.
Try hady źniavoleńnia (a pa fakcie śmiarotny vyrak) Ihar Lednik atrymaŭ ad sudździ Taćciany Šocik za svaje krytyčnyja publikacyi. Jon staŭ piatym palityčnym viaźniem, jaki pamior u turmie.
Ihar Lednik naradziŭsia 12 śniežnia 1960 hoda ŭ Miensku. Jon atrymaŭ vyšejšuju techničnuju adukacyju i ŭ pačatku 1990 hadoŭ byŭ zasnavalnikam i kiraŭnikom kamiercyjnych pradpryjemstvaŭ «Jason» i «Lima». Ihar adnym ź pieršych u Biełarusi staŭ abaroncam pravoŭ pradprymalnikaŭ — jon byŭ inicyjataram stvareńnia Kaardynacyjnaj rady pa intelektualnaj ułasnaści i kaardynataram pravaabarončaha ruchu «Naša Biełaruś», namieśnikam dyrektara «Centra abarony pravoŭ ułasnaści, kiraŭnikoŭ i pradprymalnikaŭ». Jon taksama dałučyŭsia da partyjnaha ruchu — byŭ siabram Biełaruskaj sacyjał-demakratyčnaj partyi, publikavaŭ publicystyčnyja artykuły ŭ Biełarusi i za miažoj.
Ihar Lednik byŭ zatrymany 12 krasavika 2022 hoda. Jaho abvinavacili ŭ paklopie na Łukašenku i asudzili na try hady kałonii. Pavodle materyjałaŭ spravy, Lednik pradstaviŭ dla publikacyi ŭ adzin z časopisaŭ artykuł z zahałoŭkam «Mižnarodna pryznany niejtralitet Biełarusi — harantyja biaśpieki ŭ rehijonie ABSIE». U im nibyta ŭtrymlivalisia «zaviedama łžyvyja źviestki, jakija hańbiać i źnievažajuć honar i hodnaść Łukašenki, złučanyja z abvinavačańniem u asabliva ciažkich złačynstvach, u tym liku suprać biaśpieki čałaviectva».
Svoj termin palitviazień adbyvaŭ u Babrujskaj kałonii №2. U červieni 2022 hoda jahonaja advakatka paviedamiła, što stan zdaroŭja palitviaźnia pahoršyŭsia, Ihar znachodziŭsia ŭ sančaści śledčaha izalatara ŭ lažačym stanie. U lipieni stała viadoma, što aktyvistu zrabili apieracyju na straŭnikava-kišačnym trakcie.
Pryčynaj śmierci palitviaźnia stała spynieńnie serca. Miedyki sprabavali jaho reanimavać, adnak biespaśpiachova. Ihar Lednik pamior u turemnym špitali ŭ Kaladzičach, kudy byŭ płanava dastaŭleny z babrujskaj kałonii №2, dzie adbyvaŭ termin.
Padtrymać zbor možna pa spasyłcy, ale ni ŭ jakim razie nie varta danacić ź biełaruskich ci rasijskich kartak.
Čytajcie taksama:
«Pastaŭcie čarku na mahile mnie». Syn pamierłaha palitviaźnia Lednika pra apošniuju razmovu z baćkam
Na raźvitańnie z pamierłym u niavoli Iharam Lednikam pryjšli 10 čałaviek
Što viadoma pra pamierłaha palitviaźnia Ihara Lednika
Były palitviazień: Ihar Lednik kazaŭ mnie, što chutčej za ŭsio pamre ŭ kałonii
-
Biełaruskuju movu na ispytach vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty
-
«Na adčuvalnyja temy — tolki doma abo kali hulaješ pieššu. Heta ciapier baza». Biełarusy raskazali pra samacenzuru ŭ ich žyćci
-
U Brest prybłukaŭ małady łoś VIDEA
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary