Były palitviazień: Ihar Lednik kazaŭ mnie, što chutčej za ŭsio pamre ŭ kałonii
Alaksiej Hałoŭkin peŭny čas znachodziŭsia ŭ sančastcy PK-2 razam ź Iharam Lednikam. Jon raspavioŭ «Novamu času», što turemščyki ŭvieś čas ździekavalisia z chvoraha Lednika, nie dazvalali jamu prymać duš i atavarvacca ŭ turemnaj kramie.
— My sustrelisia ź Iharam u sančastcy. Mianie pakłali tudy paśla karancinu, a Ihar užo byŭ tam, kali mianie pryviali. My pasiabravali. Vydatny čałaviek, vielmi razumny, cikavy.
Stan jaho zdaroŭja ŭžo na toj momant byŭ žachlivy. Praz heta Ihara navat nie raźmiarkoŭvali ŭ atrad. Ihar čakaŭ i spadziavaŭsia, što jaho vyviezuć u horad, u hramadzianski špital, i tam choć bolš-mienš padlečać.
U Ihara była stoma, da jakoj byŭ zamacavany admysłovy pakiet, kab jon moh chadzić u prybiralniu. Što mianie aburała najbolš — supracoŭniki kałonii nie dazvalali Iharu prymać duš, chacia ŭ sančastcy mieŭsia narmalny duš z haračaj vadoj. Jamu davodziłasia ŭvieś čas vajavać z turemščykami i zmahacca za kožny pachod u duš, heta kašmar.
Iharu nie dazvalali atavarvacca. Jon navat prasiŭ mianie, kab ja pieradaŭ načalniku atrada [16-y atrad PK-2, dzie ŭtrymlivalisia ludzi ź invalidnaściu]), kab jon zavioŭ Ihara ŭ atavarku, bo ŭ jaho ŭžo ŭsio skončyłasia.
Ihar trymaŭsia vielmi hodna, sapraŭdny mužyk. Razam z tym, jon kazaŭ mnie, što chutčej za ŭsio jon pamre ŭ kałonii. Kazaŭ, što jaho stan zdaroŭja ŭvieś čas paharšajecca, i kali jamu nie akažuć kvalifikavanuju, svoječasovuju miedyčnuju dapamohu, da vyzvaleńnia jon paprostu fizična nie daciahnie, — raspavioŭ Alaksiej Hałoŭkin.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi13
Kamientary