Viadomamu rasijskamu akcioru Alaksandru Šyrvintu było 89 hadoŭ, jon pamior u maskoŭskaj balnicy.
Alaksandr Šyrvint naradziŭsia 19 lipienia 1934 hoda ŭ tvorčaj siamji. Skončyŭšy ŭ 1956 hodzie teatralnuju vučelniu, jon pracavaŭ u teatry-studyi imia Ščukina, a paśla ŭ teatry imia Leninskaha kamsamoła i Maskoŭskim teatry satyry. U 2000 hodzie staŭ mastackim kiraŭnikom teatra satyry, z 2021-ha — jahony prezident.
Akramia pracy ŭ teatry, źniaŭsia ŭ bolš čym paŭsotni mastackich filmaŭ. Šmat vystupaŭ na telebačańni, viadomym i papularnym staŭ jahony satyryčny duet ź Michaiłam Dziaržavinym.
U 1990-ja hady vystupaŭ suprać vajny ŭ Čačni, ale paśla prychodu da ŭłady Pucina pierajšoŭ na praŭładnyja pazicyi. Paśla 2014 hoda nieadnarazova naviedvaŭ z vystupleńniami anieksavany Krym, za što byŭ uklučany va ŭkrainskuju bazu «Miratvorac».
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach11
Kamientary