13 sakavika naftavaja kampanija «Łukojł» paviedamiła pra raptoŭnuju śmierć svajho vice-prezidenta Vitala Robiertusa. Jon pamior va ŭzroście 53 hadoŭ. Pryčynu śmierci top-mieniedžara kampanija nie nazvała.
Vydańnie The Moscow Times nahadvaje, što Robiertus staŭ užo čaćviortym top-mieniedžaram «Łukojła», jaki pamior ciaham apošnich dvuch hadoŭ.
U kastryčniku 2023 hoda ŭ 66 hadoŭ z-za sardečnaj niedastatkovaści pamior kiraŭnik rady dyrektaraŭ kampanii Uładzimir Niakrasaŭ. Jon uznačaliŭ radu dyrektaraŭ paśla niečakanaj śmierci papiaredniaha kiraŭnika Rady Ravila Mahanava. 1 vieraśnia 2022 hoda Mahanaŭ vypaŭ ź vierchniaha paviercha hałoŭnaha korpusa Centralnaj kliničnaj balnicy (CKB) i raźbiŭsia.
Da taho ŭ traŭni 2022 hoda ŭ padmaskoŭnych Myciščach pamior były vice-prezident, načalnik Hałoŭnaha ŭpraŭleńnia pastavak i prodažaŭ «Łukojła» Alaksandr Subocin. Pavodle danych vydańnia Mash, jahonaja śmierć nastała ŭ chodzie niaŭdałaha sieansu ŭ šamanaŭ, na jakim Subocina z dapamohaj žabiačaj atruty sprabavali vylečyć ad prablem z ałkaholem.
Niečakanyja i zahadkavyja śmierci apošnim časam rehularna zdarajucca i siarod top-mieniedžmientu inšych rasijskich bujnych kampanij.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary