Pavieł Duraŭ paabiacaŭ novuju funkcyju ŭ telehramie śpiecyjalna dla našaha rehijona
Karystalniki ź Biełarusi, Ukrainy i Rasii zmohuć abmiažoŭvać koła tych, chto moža dasyłać im asabistyja paviedamleńni ŭ telehramie, paviedamiŭ zasnavalnik papularnaha miesiendžara Pavieł Duraŭ.
Novaŭviadzieńnie źviazana z tym, što 4 dni tamu rasiejskamoŭnyja karystalniki stali skardzicca na toje, što atrymlivajuć paviedamleńni ad nieznajomych asob z zaklikami da teraktaŭ.
«Na praciahu hadziny paśla atrymańnia padobnych skarhaŭ my ŭžyli šerah techničnych mier i arhanizacyjnych mier dla taho, kab praduchilać hetuju aktyŭnaść. U vyniku dziasiatki tysiač sprobaŭ adpravić takija paviedamleńni byli spynienyja, a tysiačy karystalnikaŭ, jakija ŭdzielničajuć u hetym fłešmobie, sutyknulisia ź viečnym błakavańniem svaich telehram-akaŭntaŭ», — napisaŭ Pavieł Duraŭ.
Abmiežavańnie asabistych paviedamleńniaŭ pačnie pracavać z pačatku nastupnaha tydnia. Taksama idzie praca pa ŭkaranieńni rašeńnia na asnovie štučnaha intelektu dla bolš efiektyŭnaj filtracyi padobnaha spamu.
«Telegram — nie miesca dla niesankcyjanavanych rassyłak i zaklikaŭ da hvałtu», — padkreśliŭ Duraŭ.
Čytajcie taksama:
Dźmitryj Piaskoŭ zaklikaŭ Paŭła Durava pilniej sačyć za telehramam
MUS śćviardžaje, što biełarusam prychodziać prapanovy ab teraktach
Kamientary
https://dck8xvlq18iei.cloudfront.net/339439/
Chto vam abiacaŭ skraznoje šyfravańnie zvyčajnych paviedamleńniaŭ? Ci niechta kaža pra analiz kantentu sakretnych čataŭ? (sapraŭdy šyfravanych)