15 krasavika Ale Puhačovaj, jakaja stała samaj zaŭvažnaj siarod rasijskich zorak praciŭnicaj pucinskaha režymu, spoŭnicca 75 hadoŭ. Siłaviki lubiać rabić ludziam niepryjemnyja «padarunki» da znamianalnych dat.
Na hetym tydni stała viadoma, što Hienieralnaja prakuratura Rasii adpraviła ŭ Miniust zapyt ab pryznańni śpiavački Ały Puhačovaj «asobaj, afilavanaj z zamiežnym ahientam». Dakumient apublikavała RIA «Naviny» sa spasyłkaj na praŭładnaha aktyvista i kiraŭnika Fiederalnaha prajekta pa biaśpiecy i baraćbie z karupcyjaj Vitala Baradzina. Jon ža adpraviŭ zvarot z prośbaj pryznać Puhačovu «zamiežnym ahientam».
Napiaredadni pres-sakratar Uładzimira Pucina Dźmitryj Piaskoŭ zajaviŭ, što ničoha nie čuŭ ab mahčymym pryznańni «zamiežnym ahientam» Puhačovaj.
U sieradu, 27 sakavika, RT sa spasyłkaj na Baradzina paviedamlaŭ ab pačatku pracedury pryznańnia śpiavački «inšahientam». A kanał Shot napisaŭ, što adpaviedny status Ale Puhačovaj mohuć «prysvoić» da jaje jubileju. 15 krasavika śpiavačcy spoŭnicca 75 hadoŭ.
Maksim Hałkin i Ała Puhačova razam ź dziećmi zjechali z Rasii paśla ŭvarvańnia RF va Ukrainu. Hałkin paśla adjezdu adkryta krytykavaŭ dziejańni Rasii. «Zamiežnym ahientam» Hałkina pryznali ŭ vieraśni 2022 hoda.
U pačatku sakavika Ała Puhačova zajaviła, što «narmalnyja ludzi nie źbirajucca viartacca [u Rasiju]». Takim čynam jana adkazała na słovy Stasa Michajłava, jaki skazaŭ, što «artysty, jakija zjechali, prypaŭzuć na kaleniach i buduć Rasii nohi całavać».
Na kancercie 29 sakavika Hałkin prakamientavaŭ naviny pra namier rasijskich uładaŭ pryznać jaho žonku zamiežnym ahientam. «Na čarzie Ała, dzieci… Sabaku taksama možna zrabić zamiežnym ahientam», — skazaŭ artyst.
Kanał «Kod Frymena» napisaŭ, što tady Ała Puhačova stanie «narodnym inšahientam Rasijskaj Fiederacyi».
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Tiotia, pošła otsiuda von! Jasno skazano? Ponimaješ po bukvam?