U minskim «Ekspabiele» pradavali zabaronienyja zachodnija tavary
Ministerstva antymanapolnaha rehulavańnia i handlu vyjaviła fakty prodažu zabaronienaj uładami pradukcyi ŭ handlova-zabaŭlalnym centry «Ekspabieł». Pravierku, jak paviedamlajecca, praviali paśla zvarotaŭ naviedvalnikaŭ u internecie.
Śpiecyjalisty hałoŭnaha ŭpraŭleńnia Minhandlu pa Minskaj vobłaści znajšli ŭ niekalkich handlovych abjektach parušeńni patrabavańniaŭ pastanoŭ, jakija zabaraniajuć realizacyju asobnych katehoryj tavaraŭ.
U pryvatnaści, u prodažy znachodziłasia pradukcyja brendu Nivea, a taksama šakaład i kandytarskija vyraby polskaj vytvorčaści.
Siarod parušalnikaŭ — niekalki indyvidualnych pradprymalnikaŭ i pryvatnaje pradpryjemstva «Servis-raj». Raniej heta pradpryjemstva ŭžo pryciahvałasia da adkaznaści: u lutym 2026 hoda ŭ jaho z prodažu źniali 63 adzinki zabaronienych tavaraŭ.
Padčas ciapierašniaj pravierki ahułam znajšli 127 adzinak zabaronienaj pradukcyi na sumu bolš za 2000 rubloŭ.
Paviedamlajecca, što ŭ dačynieńni da subjektaŭ haspadarańnia buduć pryniatyja miery administracyjnaj adkaznaści.
Upieršyniu zabaronu pradukcyi brenda Nivea ŭ Biełarusi ŭviali viasnoj 2021 hoda — tady Saviet ministraŭ pryniaŭ adpaviednuju pastanovu №240 ad 23 krasavika. Zabarona ŭvozu ŭ krainu tavaraŭ hrup kampanij Liqui Moly, Škoda Auto i Beiersdorf (jana akurat i vypuskaje Nivea) była źviazanaja ź ich admovaj spansiravać admienieny ŭ Biełarusi čempijanat śvietu pa chakiei. Paśla taho biełaruskija ŭłady jašče nie raz zabaraniali novyja hrupy zachodnich tavaraŭ u ramkach svaich kontrsankcyj.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary
Pravda,Bielita nie silna chužie za diešievle.
Mažu toka ruki,ieśli čo.
Čto u hałavach u hetych naviedvalnikaŭ ?