«Bajacca, što moža niešta ŭzarvać prosta z turmy». Sieviaryniec — pra hałoŭnaha biełaruskaha «terarysta» Aŭtuchoviča
Pavieł Sieviaryniec raskazaŭ pra ŭmovy ŭtrymańnia palitźniavolenaha pradprymalnika i palityka Mikałaja Aŭtuchoviča.
«Mikałaja Aŭtuchoviča, palityčnaha viaźnia i hałoŭnaha biełaruskaha «terarysta», načalstva Haradzienskaj turmy baicca bolš za ŭsich.
Za dva z pałovaj hady ŭ Haradzienskaj krytaj rehularna bačyŭ jaho ŭ kletcy na «kamisii» — u čarzie na pakarańnie, najčaściej ŠIZA.
Dla Aŭtuchoviča praduhledžanaja asobnaja kamiera, numar 50 na trecim paviersie śledčaha korpusu («Amierykanki»).
Kamiera admysłovaja, z dvajnymi dźviaryma. Vielmi ciesnaja «adzinočka», pasiaredzinie jakoj — truba ad stoli da padłohi. A truba hetaja — ściok kanalizacyi: śpiš, a ŭ ciabie nad hałavoj burlić i rakoča.
Čas ad času Aŭtuchoviča pieravodziać u susiedni korpus, na «Bastyjon» – i tam jaki-niebudź stukač sprabuje vyviedać, a što ŭ Aŭtuchoviča ciapier u hałavie.
Mnie daviałosia siadzieć adrazu ź niekalkimi takimi «śpiecyjalistami pa Aŭtuchovičy» — bo z klučavymi palityčnymi «pracujuć» adnyja i tyja ž kadry, zaadno i praviarajuć uzajemaadnosiny pamiž apazicyjanierami. Nasłuchaŭsia.
Karaciej, Aŭtuchovič — kašmar dla administracyi.
Bajacca, što Aŭtuchovič zamyšlaje niešta suprać asabista Łukašenki, Astravieckaj AES i Sajuza z Rasijaj. Bajacca, što moža niešta ŭzarvać prosta z turmy. Bajacca, što stvoryć i ŭznačalić padpolle.
Bo Aŭtuchovič — advažny «afhaniec», vajar, biełaruski partyzan. Havoryć jon cicha i miakka, ale takija rečy, ad jakich «siłavikoŭ» prabirajuć muraški pa skury.
Pałovu žyćcia Aŭtuchovič pa turmach. Pamiataju, u 2014 hodzie my z Volečkaj pajechali sustrakać Aŭtuchoviča, jaki vyzvalaŭsia z toj samaj Haradzienskaj turmy. Mikałaja musili adpuskać uviečary, ale sabralisia ludzi, čakali ŭsiu noč da ranicy – i tolki kali la bramy turmy nie zastałosia nivodnaha čałavieka, Aŭtuchoviča tajkom vyvieli.
Aŭtuchovič vyjdzie. Rana ci pozna — vyjdzie. I budzie samaje strašnaje dla tych, chto słužyć režymu: zamiest zahadu pačnie pracavać zakon», — napisaŭ Sieviaryniec.
Palitźniavolenaha pradprymalnika i palityka Mikołu Aŭtuchoviča ŭ 2022 hodzie paśla praciahłaha sudovaha pracesu asudzili na 25 hadoŭ pazbaŭleńnia voli. Jaho abvinavacili adrazu pavodle 12 artykułaŭ Kryminalnaha kodeksa, u tym liku ŭ «zdradzie dziaržavie» i «zamachu na zachop ułady».
7 studzienia 2026 hoda Aŭtuchoviču spoŭniłasia 63 hady.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary