Biełaruś trapiła ŭ top-10 krain śvietu z samym vysokim uzroŭniem razvodaŭ
Daśledavańnie pravodziła amierykanskaja kampanija Petrelli Previtera, jakaja zajmajecca pytańniami siamiejnaha prava. Jaje supracoŭniki padrychtavali śpis ź dziesiaci krain z samym vysokim uzroŭniem razvodaŭ u śviecie i pasprabavali vyjavić pryčyny hetaha.
U pieršaj piaciorcy rekardsmienaŭ pa razvodach apynulisia Maldyvy, Kazachstan, Huam, Rasija i Małdova. Biełaruś zaniała 6-je miesca z pakazčykam 3,7 razvoda na 1 tysiaču čałaviek. Daśledčyki ličać, što taki ŭzrovień razvodaŭ maje vyklikać tryvohu.
Hałoŭnymi pryčynami razvału šlubaŭ u krainie nazvali raśpićcio harełki jak častku kultury, što moža pryvodzić da ałkahalizmu i złoŭžyvańniaŭ. A taksama takija prablemy, jak biespracoŭje, biednaść, hvałt u siamji i adsutnaść žylla ŭ vyniku ŭrbanizacyi.
Taksama adznačajecca lohkaść vyrašeńnia razvodnych pytańniaŭ. Naprykład, razvod pa ŭzajemnaj zhodzie moža być uchvaleny na praciahu 1-2 miesiacaŭ pry ŭmovie, što ŭ šlubie niama niepaŭnaletnich dziaciej abo majomasnych sprečak.
Kamientary
- ja nie mahu vas raźvieści. u mianie 190 zajaŭ.
kładu trubku i dumaju - ups. a heta jak? što značyć nie mahu? a chto tady? 🙄