Bili Ajliš daŭno viadomaja svaim rassłablenym stylem i luboŭju da rečaŭ volnaha i abjomnaha kroju. Ale apošnim časam śpiavačka vyhladaje zusim inakš, piša Vogue.
Usio praz novuju rolu: jana hraje Ester Hrynvud u budučaj ekranizacyi znakamitaha ramana Silvii Płat «Pad šklanym kaŭpakom», nad jakoj pracuje režysiorka Sara Poli.
Na fotazdymkach sa zdymačnaj placoŭki ŭ Taronta Bili Ajliš źjaviłasia ŭ čyrvonym trykatažnym topie z karotkimi rukavami i spadnicy A-siłuetu. Źmianiŭsia i jaje zvykły bjuci-vobraz: vałasy śpiavački ŭkłali na bakavy prabor, a dla makijažu abrali jarkuju čyrvonuju pamadu.
Pavodle paviedamleńniaŭ, kaściumy dla filma stvaraje Łuis Siekiejra, jakoha dvojčy naminavali na premiju «Oskar» za najlepšy dyzajn kaściumaŭ u dvuch filmach Hiljerma del Tora: «Forma vady» i «Aleja žachu».
Hety vobraz amal nie maje ničoha ahulnaha z abjomnymi kašulami poła i kaściumami Celine, jakija Ajliš nasiła raniej. U toj ža čas u im možna zaŭvažyć niešta znajomaje.
Padobny nastroj byŭ u vobrazie Bili Ajliš na Met Gala 2021 hoda, kali jana vyjšła na čyrvonuju darožku ŭ sukiency Oscar de la Renta, natchnionaj starym Halivudam.
Padziei ramana «Pad šklanym kaŭpakom» razhortvajucca ŭ pačatku 1950‑ch hadoŭ. Hałoŭnaja hierainia, maładaja Ester, pryjazdžaje ŭ Ńju-Jork na letniuju stažyroŭku ŭ žanočym časopisie. Paśla hetaha jana viartajecca dadomu, u pryharad Bostana, dzie pieražyvaje ciažki psichałahičny kryzis.
U novaj ekranizacyi maci Ester hraje Kery Malihan.
Bili Ajliš čakaje niaprostaja dramatyčnaja rola, i ŭžo nie cierpicca ŭbačyć jaje ŭ vobrazie Ester Hrynvud. A mahčymaść na praciahu nastupnych niekalkich miesiacaŭ nazirać za śpiavačkaj u trykatažnych kamplektach i karalach stanie pryjemnym bonusam.
-
Čałaviek-pavuk, jakoha ŭsie zabyli. Čamu «Novy dzień» — adnačasova najlepšy film Marvel za apošnija hady i ŭsio taja ž staraja historyja
-
Ziendeja — spartyŭny čałaviek? U dziacinstvie zorka «Čałavieka-pavuka» i «Dziuny» zajmałasia «sokieram» i baskietbołam
-
«Adysieja» ŭžo zarabiła ŭ prakacie 1,1 miljarda dalaraŭ
Kamientary