Litva nie źbirajecca zakryvać jašče adzin punkt propusku na miažy ź Biełaruśsiu
Kamientar pradstaŭnika litoŭskich uładaŭ atrymała «Lusterka».
Litva ciapier nie razhladaje pytańnie ab zakryćci jašče adnaho pamiežnaha pierachodu na miažy ź Biełaruśsiu.
«Infarmacyja, raspaŭsiudžanaja rasijskaj hazietaj «Kommiersant», nie adpaviadaje rečaisnaści. Pytańnie ab zakryćci pamiežnaha punkta propusku «Šalčyninkaj» ciapier nie razhladajecca», —
zajaviŭ pradstaŭnik adździeła pa suviaziach z hramadskaściu i ŚMI Departamienta ŭradavych kamunikacyj Litvy.
Na miažy Biełarusi i Litvy pracujuć dva punkty propusku: «Miadzininkaj» («Miedniki») i «Šalčyninkaj». Rasijskaje vydańnie «Kommiersant» paviedamlała, što Litva zakryje pierachod «Šalčyninkaj» u pačatku maja.
Pačynajučy sa žniŭnia 2023 hoda ŭłady Litvy zakryli čatyry pierachody na miažy ź Biełaruśsiu. Va ŭradzie ličać, što rašeńnie było paśpiachovym: tolki za sakavik kolkaść litoŭcaŭ, jakija vandrujuć u Biełaruś, skaraciłasia na 60%. Litoŭskija ŭłady miarkujuć, što ciapier kudy mienš hramadzian krainy mohuć trapić pad upłyŭ biełaruskich śpiecsłužbaŭ.
Litva nie razhladaje mahčymaść častkovaha albo poŭnaha adnaŭleńnia pracy zakrytych punktaŭ propusku.
Unačy zhareŭ mytny anhar u punkcie propusku «Miedniki» na litoŭska-biełaruskaj miažy
«Pajści na pryncyp i padklučyć Kitaj». Łatuška zaklikaŭ dla spynieńnia represij pierakryć hruzavy čyhunačny ruch ź Biełaruśsiu
«Heta było dźvie hadziny, «da trusoŭ», z paniatymi». Jak prachodziać nadhlady i pravierki na miažy Biełarusi
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1313
Kamientary