Karanik: Pa kolkaści daktaroŭ my čaćviortyja abo piatyja ŭ śviecie
Na Hrodzienščynie 58 daktaroŭ na 10 tysiač nasielnictva. I heta ŭdvaja bolš, čym u siarednim u Jeŭrasajuzie, kaža staršynia Hrodzienskaha abłvykankama.
«Za piać hadoŭ kolkaść daktaroŭ na 10 tysiač nasielnictva ŭ Hrodzienskaj vobłaści vyrasła z 57,5 da 58. U susiedniaj Polščy hety pakazčyk znachodzicca na ŭzroŭni 24-25. Siaredni pakazčyk Jeŭrasajuza — 28-30. Pa hetym pakazčyku my čaćviortyja abo piatyja ŭ śviecie», — zajaviŭ Uładzimir Karanik u efiry ANT.
Pa jaho słovach, zadača — racyjanalna vykarystoŭvać najaŭnyja kadry. «Kali my havorym pra vakansii, pra niedachop kadraŭ (na biržu pracy traplajuć i tyja paŭstaŭki nieŭrołaha ŭ nievialikaj rajonnaj balnicy), tam ža nie toje, što niama mahčymaści atrymańnia nieŭrałahičnaj dapamohi. Tam chto-niebudź z terapieŭtaŭ prajšoŭ pierapadrychtoŭku i hetyja paŭstaŭki sumiaščaje. Zadača — nie zapoŭnić hetyja vakansii, a zabiaśpiečyć ich maksimalna efiektyŭnaje i racyjanalnaje vykarystańnie, kab pacyjent niezaležna ad miesca pražyvańnia atrymlivaŭ miedycynskuju dapamohu pa adzinych standartach», — patłumačyŭ staršynia Hrodzienskaha abłvykankama.
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary