На Гродзеншчыне 58 дактароў на 10 тысяч насельніцтва. І гэта ўдвая больш, чым у сярэднім у Еўрасаюзе, кажа старшыня Гродзенскага аблвыканкама.
«За пяць гадоў колькасць дактароў на 10 тысяч насельніцтва ў Гродзенскай вобласці вырасла з 57,5 да 58. У суседняй Польшчы гэты паказчык знаходзіцца на ўзроўні 24-25. Сярэдні паказчык Еўрасаюза — 28-30. Па гэтым паказчыку мы чацвёртыя або пятыя ў свеце», — заявіў Уладзімір Каранік у эфіры АНТ.
Па яго словах, задача — рацыянальна выкарыстоўваць наяўныя кадры. «Калі мы гаворым пра вакансіі, пра недахоп кадраў (на біржу працы трапляюць і тыя паўстаўкі неўролага ў невялікай раённай бальніцы), там жа не тое, што няма магчымасці атрымання неўралагічнай дапамогі. Там хто-небудзь з тэрапеўтаў прайшоў перападрыхтоўку і гэтыя паўстаўкі сумяшчае. Задача — не запоўніць гэтыя вакансіі, а забяспечыць іх максімальна эфектыўнае і рацыянальнае выкарыстанне, каб пацыент незалежна ад месца пражывання атрымліваў медыцынскую дапамогу па адзіных стандартах», — патлумачыў старшыня Гродзенскага аблвыканкама.
-
Купілі ў Польшчы iPhone 17 і едзеце з ім у Беларусь — трэба ці плаціць на мяжы?
-
У Гомелі трое студэнтаў з цацачнымі аўтаматамі напалохалі дзяўчыну
-
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю
Цяпер чытаюць
Беларусь адмовілася часова адкрыць пункт пропуску «Беняконі»25
Каментары