Heta pieršaja pajezdka kitajskaha lidara ŭ krainu Jeŭrasajuza za apošnija piać hadoŭ.
Staršynia KNR Si Czińpin razam z žonkaj prybyŭ u Paryž z aficyjnym vizitam, paviedamlajuć francuzskija ŚMI.
«Padčas vizitu ja praviadu pahłybleny abmien dumkami z prezidentam Francyi Emanuelem Makronam ab raźvićci adnosin Kitaj — Francyja i Kitaj — ES u novaj situacyi, a taksama ab isnych važnych mižnarodnych i rehijanalnych prablemach», — zajaviŭ raniej Si Czińpin.
Vizit prymierkavany da 60-hodździa ŭstanaŭleńnia dypłamatyčnych adnosin pamiž dźviuma krainami. Kitajski lidar praviadzie ŭ Francyi dva dni. U jaho zapłanavanyja sumiesnyja pieramovy z Makronam i kiraŭnikom Jeŭrakamisii Ursułaj fon der Lajen.
Raniej paviedamlałasia, što Makron pasprabuje pierakanać kitajskaha lidara źmienšyć handlovy dysbałans i paŭpłyvać na Maskvu ŭ suviazi z kanfliktam va Ukrainie.
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary
U kamunistaŭ Kitaja adieryłasia vakno mahčymaściej pryblizić śviet k novaj i apošniej vajny čałaviectva.