U Litvie startavała daterminovaje hałasavańnie na vybarach prezidenta i refierendumie. Ale doŭžycca ŭsiaho try dni
U Litvie ŭ aŭtorak pačynajucca try dni daterminovaha hałasavańnia na prezidenckich vybarach i refierendumie ab zachavańni hramadzianstva (u Biełarusi daterminovaje hałasavańnie idzie z aŭtorka pa subotu ŭklučna).
Da viečara čaćviarha vybarščyki z 7 da 20 hadzinaŭ zmohuć prahałasavać va ŭsich 60 municypalitetach, niezaležna ad taho, dzie jany dekłaravali svajo miesca žycharstva.
Prahałasavać daterminova ŭ aŭtorak płanujuć niekalki palitykaŭ, piša Delfi.lt.
Hałoŭny dzień prezidenckich vybaraŭ i refierendumu ab zachavańni hramadzianstva — niadziela.
Za pasadu kiraŭnika krainy pazmahajucca vosiem kandydataŭ — Hitanas Naŭsieda, jaki bałatujecca na druhi termin, vyłučanaja kansiervatarami premjer Inhryda Šymanicie, pradstaŭnik Partyi svabody, były staršynia Kanstytucyjnaha suda Dajnius Žalimas, samavyłučency Ihnas Viehiele i Eduardas Vajtkus, zasnavalnik partyi «Śvitanak nad Niomanam» Remihijus Žemajtajcis, vyłučany Sajuzam demakrataŭ «u imia Litvy» Hiedrymas Jahlinskas i staršynia Partyi pracy Andrus Mazuronis.
Padčas pieršaha tura prezidenckich vybaraŭ taksama adbudziecca refierendum ab množnym hramadzianstvie. Na refierendumie budzie prapanavana admovicca ad ciapier uniesienaj u Kanstytucyju Litvy frazy:
«za vyklučeńniem asobnych vypadkaŭ, praduhledžanych Zakonam, nichto nie moža być adnačasova hramadzianinam Litoŭskaj Respubliki i inšaj dziaržavy». Heta pałažeńnie nie dazvalaje zachavać hramadzianstva Litvy paśla nabyćcia hramadzianstva inšaj dziaržavy.
Kamientary