Kryšcijanu Ranałdu nie zmoh strymać śloz paśla vyletu Partuhalii z čempijanatu śvietu FOTAFAKT
Dla miehazorki suśvietnaha futbołu heta apošni mundyjal, i ŭ partuhalca niama tytułu jaho pieramožcy.
Kryšcijanu Ranałdu nie zmoh strymać śloz paśla vyletu Partuhalii z čempijanatu śvietu.
Učora Partuhalija prajhrała ŭ 1/8 finału Ispanii ź likam 0:1 i pakidaje mundyjal.
41‑hadovy Kryšcijanu Ranałdu nie zmoh strymać emocyj paśla hulni.
Raniej Kryš kazaŭ, što heta budzie dla jaho apošni čempijanat śvietu: «Tak, heta budzie moj apošni čempijanat śvietu. Treba atrymać ad jaho asałodu».
Paśla hulni Kryšcijanu ciopła pavitaŭsia z Łaminam Jamalem, jakomu ŭ paniadziełak spoŭnicca 19, a jon užo čempijon Jeŭropy.
Učora paśla 1/8 finału jon skazaŭ: «Ja nie prymaju rašeńniaŭ zharača i nie chaču pieranosić uvahu z taho, što kamanda zrabiła na hetym čempijanacie śvietu, na niejkija maje asabistyja rašeńni»
Dla Ranałdu hety čempijanat śvietu staŭ šostym u karjery. Za hety čas forvard pravioŭ 27 matčaŭ na suśvietnych pieršynstvach, zabiŭ 11 hałoŭ i addaŭ dźvie halavyja pieradačy, adnak tak i nie zdoleŭ zavajavać trafiej. Ale ŭ jaho jość tytuł čempijona Jeŭropy (2016).
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach14
Kamientary