SBU zajaŭlaje ab sprobie zamachu na Zialenskaha: zatrymany dvoje pałkoŭnikaŭ upraŭleńnia Dziaržachovy
Słužba biaśpieki Ukrainy zajaŭlaje ab zryvie płanaŭ FSB RF pa likvidacyi prezidenta Ukrainy i inšych pradstaŭnikoŭ vyšejšaha vajenna-palityčnaha kiraŭnictva dziaržavy.
«Kontrraźviedka i śledčyja SBU sarvali płany FSB pa likvidacyi prezidenta Ukrainy i inšych pradstaŭnikoŭ vyšejšaha vajenna-palityčnaha kiraŭnictva dziaržavy.
Realizavać płany pavinna była ahienturnaja sietka, jakuju zahadzia vykryła Słužba biaśpieki Ukrainy pry sadziejničańni kiraŭnictva Upraŭleńnia dziaržaŭnaj achovy. U skład sietki, dziejnaść jakoj FSB kuryravała z Maskvy, uvachodzili dvoje pałkoŭnikaŭ upraŭleńnia Dziaržachovy, jakija «źlivali» sakretnuju infarmacyju RF.
Tak, vorah aktyŭna raspracoŭvaŭ płany pa likvidacyi prezidenta Uładzimira Zialenskaha. Adnoj z zadač ahienturnaj sietki FSB byŭ pošuk vykanaŭcaŭ siarod vajskoŭcaŭ, nabližanych da achovy prezidenta, jakija mahli b uziać kiraŭnika dziaržavy ŭ załožniki, a zatym jaho zabić.
Akramia Zialenskaha, vorah płanavaŭ likvidavać kiraŭnika SBU Vasila Maluka, kiraŭnika HUR Kiryła Budanava i inšych vysokapastaŭlenych čynoŭnikaŭ», — havorycca ŭ pres-relizie SBU.
Pa danych śledstva, padazravanyja, znachodziačysia na słužbie va ŭpraŭleńni Dziaržachovy, dobraachvotna za hrašovuju ŭznaharodu akazvali pradstaŭnikam FSB RF dapamohu ŭ praviadzieńni padryŭnoj dziejnaści suprać Ukrainy. Jany pieradavali pradstaŭnikam rasijskaj śpiecsłužby kanfidencyjnuju infarmacyju, a taksama padrychtavali i chavali srodki i pryłady dla ŭčynieńnia terarystyčnaha akta.
Dla hetaha adzin z padazravanych atrymaŭ ad pradstaŭnikoŭ FSB RF dva bieśpiłotnyja latalnyja aparaty typu FPV-drony i dva bojeprypasy da ich. U dalejšym jon pavinien byŭ pieradać hetyja srodki paražeńnia inšym saŭdzielnikam kryminalnaha złačynstva dla ažyćciaŭleńnia vybuchu.
Abjektam zamachu pradstaŭniki FSB RF vyznačyli adzin z pryvatnych damoŭ na terytoryi Kijeŭskaj vobłaści, dzie nibyta pavinien byŭ znachodzicca ŭkrainski vysokapastaŭleny čynoŭnik.
«Adnak takija namiery byli svoječasova vykryty i zadakumientavany pravaachoŭnymi orhanami Ukrainy. Takim čynam udałosia praduchilić zaviaršeńnie złačynstva, a padazronych — zatrymać», — paviedamlaje SBU.
Padčas vobyskaŭ pa miescy ich pražyvańnia znojdzieny rečy i dakumienty z dokazami złačynnaj dziejnaści.
Ciapier čytajuć
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć18
Kamientary
Škada, što hetaha nie razumieje Zialenski.
Pa scenaru kv95 uvaha da siabie..biezkaštoŭna b tvar nabiŭ..nieułovimy Džo.Zhodzien ale na moj pohlad jak na " źniščeńni rf letuna" niechta padzarabiŭ v Ukrainie. Čamu nie i padobnaje mahčyma