Płyń hramadzian Litvy, jakija ŭjazdžajuć u Biełaruś, u sakaviku i krasaviku źmienšyłasia na 73% u paraŭnańni z anałahičnym pieryjadam 2023 hoda — z 129 087 da 33 917, paviedamlaje lrt.lt sa spasyłkaj na danyja litoŭskaha ŭrada.
Ahulnaja kolkaść pierasiačeńniaŭ litoŭska-biełaruskaj miažy ŭ hety pieryjad skaraciłasia ŭ hadavym vymiareńni na 48% (z 659 793 da 341 680).
Pa słovach kanclerki litoŭskaha ŭrada Hiedre Balčytycie, rašeńniem ab zakryćci z 1 sakavika 2024 hoda punktaŭ propusku (Łavaryški — Katłoŭka i Rajharad — Pryvałka) Litva imknułasia vyrašyć «dźvie fundamientalnyja prablemy».
«Režym Łukašenki nieadnarazova demanstravaŭ, što litoŭskija hramadzianie, jakija adpraŭlajucca ŭ Biełaruś z roznych pryčyn, nie mohuć adčuvać siabie tam u biaśpiecy, — skazała čynoŭnica. — Tamu byli pryniatyja pastanovy ab abaronie našych hramadzian ad roznych pravakacyj i ahresiŭnych dziejańniaŭ režymu Łukašenki.
Bolš za toje, Biełaruś źjaŭlajecca adnym z samych aktyŭnych prychilnikaŭ rasijskaj ahresii suprać Ukrainy. My nie možam dapuścić, kab Litva stała tranzitnaj krainaj dla tavaraŭ padvojnaha pryznačeńnia abo jakim-niebudź inšym sposabam padsiłkoŭvała abodva ahresiŭnyja režymy na ŭschodzie».
Na dumku čynoŭnicy,
«značnaje skaračeńnie ludskich i transpartnych płyniaŭ — heta nie tolki adlustravańnie efiektyŭnaści pryniatych mier, ale i pavyšeńnie ŭzroŭniu daśviedčanaści i ŭśviedamleńnia pahroz siarod hramadzian Litvy».
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Letuva2,832 milliona (2022 h.)
Dzieści 15 % ad nasielnictva Letuvy Sieńnia Zaraz