Z-za repietycyj paradu z čaćviarha ŭ Minsku pačnuć pierakryvać vulicy
Jakimi buduć maršruty ruchu?
Z 16 maja na vulicach Minska budzie pierakryvacca ruch dla repietycyj paradu, pryśviečanaha śviatkavańniu 80 hadoŭ vyzvaleńnia ad nacystaŭ, paviedamlaje Minabarony.
Piešyja ŭdzielniki buduć treniravacca na placy vajskovaj kamiendatury va Uruččy, a miechanizavanaja kałona — na aeradromie «Lipki».
U suviazi z hetym, z 16 maja na praciahu čatyroch tydniaŭ buduć pierakryvacca dla ruchu ŭsich vidaŭ transpartu adrazu niekalki minskich vulic pa maršrucie ruchu kałon.
Maršruty ruchu:
Miechanizavanaja kałona na husieničnym chodzie pry adbyćci na aeradrom «Lipki» budzie ruchacca pa bietonnaj darozie ŭ rajonie vulicy Zasnavalnikaŭ, pierasiakać vulicu Francyska Skaryny i ŭ rajonie haražnaha kaapieratyva «Siedziunh» budzie sychodzić u les pa hruntavoj darozie da aeradroma «Lipki».
Kałona kołavaj techniki budzie iści z vajskovaha haradka «Uručča» pa nastupnym maršrucie: vulica Zasnavalnikaŭ — vulica Skaryny — źniešniaje kalco MKAD — aeradrom «Lipki».
Z vajskovaha haradka «Uručča» kałony buduć sychodzić kožny aŭtorak u 5.00 na praciahu 4-ch tydniaŭ.
Paetapnaje poŭnaje abmiežavańnie ruchu transpartnych srodkaŭ dla biaśpieki darožnaha ruchu budzie ŭvodzicca ŭ nazvanyja daty z 4.50 i da prachodžańnia kałon pa ŭkazanych maršrutach.
Mierkavany čas prachodžańnia kałon składaje kala 50 chvilin.
Viartańnie kałon budzie ažyćciaŭlacca kožny čaćvier u 20.00, pačynajučy z 17 maja na praciahu 4-ch tydniaŭ (da 13 červienia ŭklučna), pa ŭstanoŭlenym maršrucie ruchu ŭ zvarotnym napramku.
Paetapnaje poŭnaje abmiežavańnie ruchu transpartnych srodkaŭ dla biaśpieki darožnaha ruchu budzie ŭvodzicca ŭ nazvanyja daty z 19.50 i da prachodžańnia pa ŭkazanych maršrutach.
Darohi buduć pierakryvacca da poŭnaha prachodžańnia abiedźviuch kałon, paviedamlaje Minabarony.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»42
Kamientary