З-за рэпетыцый параду з чацвярга ў Мінску пачнуць перакрываць вуліцы
Якімі будуць маршруты руху?
З 16 мая на вуліцах Мінска будзе перакрывацца рух для рэпетыцый параду, прысвечанага святкаванню 80 гадоў вызвалення ад нацыстаў, паведамляе Мінабароны.
Пешыя ўдзельнікі будуць трэніравацца на пляцы вайсковай камендатуры ва Уруччы, а механізаваная калона — на аэрадроме «Ліпкі».
У сувязі з гэтым, з 16 мая на працягу чатырох тыдняў будуць перакрывацца для руху ўсіх відаў транспарту адразу некалькі мінскіх вуліц па маршруце руху калон.
Маршруты руху:
Механізаваная калона на гусенічным ходзе пры адбыцці на аэрадром «Ліпкі» будзе рухацца па бетоннай дарозе ў раёне вуліцы Заснавальнікаў, перасякаць вуліцу Францыска Скарыны і ў раёне гаражнага кааператыва «Седзюнг» будзе сыходзіць у лес па грунтавой дарозе да аэрадрома «Ліпкі».
Калона колавай тэхнікі будзе ісці з вайсковага гарадка «Уручча» па наступным маршруце: вуліца Заснавальнікаў — вуліца Скарыны — знешняе кальцо МКАД — аэрадром «Ліпкі».
З вайсковага гарадка «Уручча» калоны будуць сыходзіць кожны аўторак у 5.00 на працягу 4-х тыдняў.
Паэтапнае поўнае абмежаванне руху транспартных сродкаў для бяспекі дарожнага руху будзе ўводзіцца ў названыя даты з 4.50 і да праходжання калон па ўказаных маршрутах.
Меркаваны час праходжання калон складае каля 50 хвілін.
Вяртанне калон будзе ажыццяўляцца кожны чацвер у 20.00, пачынаючы з 17 мая на працягу 4-х тыдняў (да 13 чэрвеня ўключна), па ўстаноўленым маршруце руху ў зваротным напрамку.
Паэтапнае поўнае абмежаванне руху транспартных сродкаў для бяспекі дарожнага руху будзе ўводзіцца ў названыя даты з 19.50 і да праходжання па ўказаных маршрутах.
Дарогі будуць перакрывацца да поўнага праходжання абедзвюх калон, паведамляе Мінабароны.
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі1
Каментары