Prezident Čechii prapanavaŭ Ukrainie addać terytoryi ŭzamien za mir
Ukraina ŭ ahladnaj budučyni nie zmoža adnavić kantrol nad stračanymi terytoryjami, tamu zaraz nieabchodna spynić vajnu i pačać mirnyja pieramovy, zajaviŭ prezident Čechii Pieter Paveł u intervju Sky News.
Takim čynam, Paveł faktyčna prapanuje pakinuć za Maskvoj tyja ŭkrainskija terytoryi, jakija na momant pačatku pieramovaŭ buduć kantralavać rasijskija vajskoŭcy. «Pa budučaj damoŭlenaści moža być niejki kampramis», — dadaŭ prezident.
Paveł taksama zajaviŭ ab isnujučych dla Kijeva ryzykach prajhrać vajnu. Heta, na dumku kiraŭnika dziaržavy, moža adbycca, kali Zachad budzie i ŭ dalejšym prajaŭlać praźmiernuju aściarožnaść, aceńvajučy pastajanna ryzyki eskałacyi. U toj ža čas jon pierakanany, što dapamoha, jakuju Zachad akazvaje zaraz Ukrainie, źjaŭlajecca dastatkovaj dla pieramohi ŭ vajnie.
Češski prezident vyklučyŭ adpraŭku vojskaŭ NATA va Ukrainu dla ŭdziełu ŭ bajavych dziejańniach suprać Rasii. «Ukraina nie źjaŭlajecca členam NATA.
My nie možam vajavać za Ukrainu va Ukrainie, bo heta adrazu aznačała b pramy kanflikt pamiž NATA i Rasijaj, i nichto ŭ Jeŭropie takoha kanfliktu nie choča», — rastłumačyŭ jon.
Na dumku Paveła, dyskusija ab členstvie Ukrainy ŭ NATA zaraz źjaŭlajecca niedarečnaj, bo spačatku pavinna być dasiahnuta mirnaje pahadnieńnie.
Češski prezident taksama raskrytykavaŭ «adsutnaść hnutkaści» ŭ jeŭrapiejskich krain u pryniaćci rašeńniaŭ, jakija zmahli b zabiaśpiečyć chutkaje pavieličeńnie vajennaha patencyjału Jeŭropy.
Pavodle jaho słoŭ, jeŭrapiejskija ŭrady nie vyłučajuć «dakładnych patrabavańniaŭ i harantyj da abaronnaj pramysłovaści». Jeŭropa ž zaraz sutykajecca z samymi vialikimi pahrozami biaśpiecy z časoŭ Druhoj suśvietnaj vajny, padkreśliŭ kiraŭnik Čechii.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Talerasty Jeŭropy paŭtarajuć pamyłku z Hitleram.
Ale meta sponsaraŭ Ukrainy inšaja -- nanieści najbolšuju škodu Rasiei i Ŭschodniaj Eŭropie. I ŭsialaki mir hetamu naŭprost supiarečyć.