Praz čatyry hady ŭ Pinsku vyjavili i asudzili jašče adnaho ŭdzielnika pratestaŭ
Siarhiej Kuleš prysudžany da 4 hadoŭ źniavoleńnia.
Pinsk, 9 žniŭnia 2020 hoda
Sud Pinskaha rajona i horada Pinska 29 krasavika vynies prysud Siarhieju Kulešu, abvinavačanamu va ŭdziele ŭ masavych biesparadkach pavodle č. 2 art. 293 Kryminalnaha kodeksa. Spravu razhladała sudździa Jaŭhienija Mielnik, dziaržabvinavaŭca — prakuror Alaksandr Pleskacevič.
Jak piša «Bieraściejskaja viasna», padrabiaznaści prysudu stali viadomyja z kamientara prakurora Pleskaceviča pinskamu telekanału. Prakuror pierakazaŭ pazicyju abvinavačanaha: 9 žniŭnia 2020 hoda toj prahałasavaŭ na vybarčym učastku, viarnuŭsia dadomu i šmat vypiŭ, paśla čaho «ź cikavaści pajšoŭ pahladzieć na mitynhoŭcaŭ kala budynka harvykankama».
Što mienavita dalej mužčyna rabiŭ na pratestach i pa jakich matyvach, jon nibyta nie pamiataje.
Ale na videa trapiła toje, što abvinavačvańnie kvalifikavała nastupnym čynam: «pryniaŭ aktyŭny ŭdzieł [u biesparadkach], a mienavita svaimi dziejańniami padtrymaŭ zładžany pahrom i nakinuŭsia ź inšymi pratestoŭcami na milicyjantaŭ».
U roliku pinskaha telebačańnia nie paviedamlajecca, ź jakoj daty Kuleš źmieščany pad vartu, ale zhadvajecca, što siłaviki znajšli mužčynu pa videa tolki ŭ 2024 hodzie.
Sud pryznaŭ Siarhieja Kulešu vinavatym i prysudziŭ jamu pazbaŭleńnie voli terminam na čatyry hady va ŭmovach uzmocnienaha režymu.
Takim čynam, Kuleš staŭ 27-m čałaviekam, kaho asudzili za pinskija pratesty ŭ noč na 10 žniŭnia 2020 hoda. Apošni viadomy da taho prysud byŭ u krasaviku 2022 hoda.
Častka z hetych palitviaźniaŭ užo adbyła pryznačanaje pakarańnie i vyjšła na svabodu.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary