U Rasii adbyŭsia maštabny zboj ŭ pracy elektronnych servisaŭ, vierahodny ŭkrainski śled
U Rasii adbyŭsia maštabny zboj u pracy elektronnych servisaŭ, za jakim stajać kibierśpiecyjalisty Hałoŭnaha ŭpraŭleńnia raźviedki Minabarony Ukrainy, paviedamlaje «Ukrainskaja praŭda».
Aficyjnaje paviedamleńnie «Raskamnahladu» śćviardžaje, što zboi źjaŭlajucca nastupstvam «avaryi mahistralnaj sietki suviazi».
Adnak, pavodle źviestkach krynic «Ukrainskaj praŭdy», sapraŭdnaja pryčyna ŭ maštabnaj DDoS-atacy, jakuju ciapier pravodziać kibierśpiecyjalisty HUR MAU. U vyniku ataki była faktyčna paralizavanaja praca šerahu dziaržaŭnych ustanoŭ i pryvatnych kampanij Rasii.
Pa stanie na 11 hadzin 5 červienia źnik dostup da elektronnych servisaŭ sajta dziaržaŭnych pasłuh, a taksama da pasłuh šerahu ministerstvaŭ: ministerstva abarony, finansaŭ, unutranych spraŭ, justycyi, pramysłovaści i enierhietyki, infarmacyjnych technałohij i suviazi, nadzvyčajnych situacyj. Byli zabłakavanyja sajt i servisy Fiederalnaj padatkovaj słužby RF.
Apublikavana paviedamleńnie ad Fiederalnaj mytnaj słužby Rasii, dzie było adznačana što «ŭ suviazi z masiravanaj DDoS-atakaj na apierataraŭ suviazi infarmacyjny abmien z udzielnikami źniešnieekanamičnaj dziejnaści abciažarany».
Pra adsutnaść dostupu da sieciva zajaviła «Abjadnanaja avijabudaŭničaja kampanija». Jaje praca na čas była paralizavanaja. Zafiksavanyja taksama zboi ŭ pracy siervieraŭ chmarnaha schovišča RF «Hosobłako».
Urešcie, u šerahu rehijonaŭ Rasii ŭžo niekalki dzion nie pracuje «adziny dziaržaŭny rejestr ZAHS»: rasijanie masava skardziacca na skasavanyja viasielli, dadała krynica «Ukrainskaj praŭdy».
Niedastupnymi źjaŭlajucca pasłuhi niekatorych bankaŭskich ustanoŭ, u pryvatnaści, «Śbierbanka» i «Alfabanka». Taksama jość surjoznyja pieraboi ŭ pracy sietki «VKontaktie» — šerah servisaŭ niedastupny.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia6
Kamientary