Sudziać 50-hadovaha nastaŭnika sa Śvietłahorska. Siarod artykułaŭ — zhvałtavańnie padletka i stvareńnie porna
Pry hetym u mužčyny jość žonka i dźvie dački. Jamu pahražaje da dvaccaci hadoŭ kałonii.
Imia Leanida Saviča sa Śvietłahorska źjaviłasia ŭ raskładzie sudoŭ. Zhodna z bazami «Kibierpartyzanaŭ», mužčynu 50 hadoŭ. U jaho jość žonka i dźvie dački, adna ź jakich paŭnaletniaja.
Savič pracavaŭ nastaŭnikam u Śvietłahorskaj škole №12, vykładaŭ infarmatyku. U 2014-m jon navat uvachodziŭ (PDF) u vybarčuju kamisiju ŭ škole, u jakoj pracavaŭ.
Jahonyja navučency ŭdzielničali ŭ alimpijadach pa infarmatycy na respublikanskim uzroŭni, na sajcie škoły jon uzhadvajecca jak adzin z najlepšych nastaŭnikaŭ.
Taksama mužčyna byŭ dziciačym trenieram pa taekvando. Jahonyja hadavancy pakazvali dobryja rezultaty, a pra Leanida časta pisała miascovaja presa.
Zhodna z pres-relizam MUS, mužčynu zatrymali naprykancy kastryčnika 2023-ha. Paśla zatrymańnia jamu spačatku dali štraf za niepadparadkavańnie milicyjantam.
Pradstaŭniki MUS kazali, što ŭskryli jak minimum čatyry achviary mužčyny va ŭzroście ad 14 da 16 hadoŭ z 2018 hoda. Adnojčy jon zaprasiŭ dvaich chłopčykaŭ na «ŭpisku», pieraspaŭ z adnym ź ich i źniaŭ heta na smartfon. Taksama jon dasyłaŭ chłopčykam fota svajho pienisa.
Tady havorka šła tolki pra artykuł 168 KK, «pałavyja znosiny i inšyja dziejańni seksualnaha charaktara z asobaj, što nie dasiahnuła 16-hodździa» i artykuł 343-1, «stvareńnie porna ź niepaŭnahadovymi».
Ciapier da ich dadalisia artykuł 167 KK, pryčym jaho druhaja častka — hvałtoŭnyja dziejańni seksualnaha charaktaru ŭ adnosinach zaviedama niepaŭnaletniaha, a taksama «raspusnyja dziańni» (č. 1 art. 169 KK).
Sud nad Savičam pačniecca 7 červienia ŭ sudzie Śvietłahorskaha rajona. Pa sumie prysudaŭ byłomu nastaŭniku pahražaje da 20 hadoŭ kałonii.
«Naša Niva» — bastyjon biełaruščyny
PADTRYMAĆU Maskvie piedafił pad vyhladam Ułada Bumahi prymusiŭ dzicia dasłać jamu intymnyja fota
Piedafiły šukajuć achviar na papularnaj stryminhavaj płatformie. Jana dazvalaje im nazirać za dziećmi ŭ žyvym efiry
«Jamu padabałasia słova «bojłaver». Hłuchi padletak, adna z achviar žurnalista Č., raskazaŭ svaju historyju
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary