U Maskvie piedafił pad vyhladam Ułada Bumahi prymusiŭ dzicia dasłać jamu intymnyja fota
Spravaj zajmajecca palicyja.
Žycharka Maskvy ŭviečary 8 krasavika zaŭvažyła, što jaje siamihadovy syn pravodzić zanadta šmat času ŭ prybiralni. Dzicia znachodziłasia ŭ pryhniečanym stanie i raspaviało, što nieviadomy pradstaviŭsia biełaruskim błohieram Uładam Bumahaj i prymusiŭ jaho dasłać intymnyja fota.
Pa słovach dziciaci, jamu va UKantakcie napisaŭ karystalnik ź imiem Uład Bumaha. Chłopčyk — vialiki fanat błohiera, tamu vyrašyŭ pahutaryć z «kumiram». Nieviadomy paabiacaŭ zaprasić dzicia na zdymki, ale pierad hetym paprasiŭ dasłać jamu nibyta dla kastynhu fota ŭ vopratcy na poŭny rost, a zatym i biez adzieńnia, paviedamlaje Baza.
Paśla taho, jak chłopčyk dasłaŭ zdymki, nieviadomy pačaŭ jaho šantažavać i patrabavać novyja zdymki pad pahrozaj zabojstvam i rassyłańnia fota siabram.
Ciapier spravaj zajmajecca palicyja.
Uład Bumaha — papularny błohier rodam ź Biełarusi. Jon śpiecyjalizujucca na kantencie dla dziaciej i padletkaŭ. Na YouTube va Ułada 53 miljony padpisčykaŭ.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu25
Kamientary