Zbankrutavała kampanija Juryja Čyža, što kiravała sietkaj zapravak «Trajpł». Jana vinnaja kredytoram $4,5 młn
Ekanamičny sud Minska pačaŭ praceduru bankructva kampanii «Naftachimtrejdynh», jakoj naležała sietka AZS «Trajpł». Jak vynikaje z materyjałaŭ spravy, jana pavinna kredytoram bolš za $4,5 młn.
Zajavu na bankructva «Naftachimtrejdynhu» padaŭ jaho asnoŭny kredytor — Bank VTB (Biełaruś), jakomu kampanija vinnaja 11,5 młn rubloŭ. Pry hetym u zakładzie ŭ banka znachodzicca dva abjekty nieruchomaści, jakija naležać daŭžniku (vierahodna, havorka idzie pra niepradadzienych AZS).
Sam «Naftachimtrejdynh» dahetul ličycca dziejnaj arhanizacyjaj. U jaho štacie navat zastałosia 5 supracoŭnikaŭ (troje ź ich znachodziacca ŭ dekretnym adpačynku). Pry hetym faktyčna kampanija nie pracuje, bo ŭ 2021-m jana była pazbaŭlenaja licenzii. Niahledziačy na piarečańni pradstaŭnikoŭ daŭžnika, sud adkryŭ spravu ab bankructvie i pryznačyŭ čarhovaje pasiadžeńnie na 27 červienia.
Letaś na aŭkcyjony niekalki razoŭ vystaŭlalisia zapraŭki «Trajpł», jakija naležać «Naftachimtrejdynhu».
Kamientary