U Danii zatrymali kaardynatarku «Biaśśmiarotnaha pałka» za pracu na rasijskuju raźviedku
Dackaja palicyja zatrymała hramadzianku Rasii za supracoŭnictva z rasijskaj raźviedkaj, paviedamiła ŭ aŭtorak Dackaja radyjoviaščalnaja karparacyja (DR). Vydańnie «Ahientstvo. Novosti» daviedałasia, što heta administratarka supołki «Bieśśmiarotny połk Danii» Iryna Pietersen.
Dackaja słužba biaśpieki i raźviedki abvinavaciła zatrymanuju ŭ supracoŭnictvie z zamiežnaj raźviedkaj z metaj jaje pracy ŭ Danii i akazańnia ŭpłyvu (artykuł 108 Kryminalnaha kodeksa Danii).
Śćviardžajecca, što jana niekalki hadoŭ atrymlivała hrošy ad rasijskaha Fondu padtrymki i abarony pravoŭ suajčyńnikaŭ («Pravfond»). Z 2017 hoda jaje kansultacyjny centr dla ruskamoŭnych žycharoŭ Danii nibyta atrymaŭ ad hetaha fondu nie mienš za 338 tysiač dackich kron (52,2 tysiačy jeŭra).
Hetyja kansultacyjnyja centry, na dumku raźviedak niekatorych jeŭrapiejskich krain, na samaj spravie źjaŭlajucca častkaj rasijskaj prapahandysckaj sietki, jakaja zajmajecca stvareńniem historyj pra nibyta dyskryminacyju ruskamoŭnych ludziej za miažoj.
Pavodle DR, zatrymanaja — centralnaja fihura ruskaj hramady ŭ Danii. Pavodle źviestak vydańnia, jana niekalki razoŭ bałatavałasia na municypalnych vybarach ad levaj partyi Enhedslisten, kaardynavała praviadzieńnie ŭ Danii «rasijskaj akcyi, jakaja pravodzicca štohod 9 maja», a taksama niekalki razoŭ atrymlivała hramaty ad Ministerstva zamiežnych spraŭ Rasii.
«Ahientstvo» pa fatahrafijach, jakija apublikavała DR vyśvietliła asobu zatrymanaj. Heta administratarka supołki «Bieśśmiarotny połk Danii» ŭ fejsbuku Iryna Pietersen.
U žniŭni 2023 hoda Pietersen udzielničała ŭ kanfierencyi Kaardynacyjnaj rady rasijskich suajčyńnikaŭ u Sierbii, pryśviečanaj 80-hodździu Kurskaj bitvy. Taksama paśla pačatku vajny žančyna jak minimum dvojčy ŭdzielničała ŭ kanfierencyjach «Pravfonda» — u kancy lutaha 2022 hoda i ŭ śniežni 2023-ha.
Padstavaj dla zatrymańnia rasijanki stała sumiesnaje rasśledavańnie jeŭrapiejskich ŚMI ab dziejnaści «Pravfonda». Jaho na minułym tydni apublikavała dackaja DR, a taksama niamieckija vydańni Der Spiegel i ZDF, aŭstryjskaja hazieta Standard, francuzskaja Le Monde i brytanskaja The Guardian.
Žurnalisty atrymali i praanalizavali dakumienty «Pravfonda», niekalki čałaviek u kiraŭnictvie jakoha akazalisia byłymi supracoŭnikami rasijskich Słužby źniešniaj raźviedki i Hałoŭnaha raźviedvalnaha ŭpraŭleńnia.
U Prazie inšaziemca padazrajuć u sprobie teraktu na zamovu Rasii
U Polščy stvaryli kamisiju pa biełaruskim i rasijskim upłyvie
Eks-načalnik Hienštaba Małdovy źlivaŭ sakretnuju infarmacyju svaim kurataram z HRU Rasii
Da padpałaŭ u polskich handlovych centrach datyčny imavierny ziać biełaruskaha dypłamata
Aŭstryja — apłot upłyvu Maskvy ŭ Zachodniaj Jeŭropie. Pra heta śviedčać materyjały špijonskaj spravy
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary