U Šviejcaryi startuje dvuchdzionny samit, pryśviečany abmierkavańniu ŭkrainskaj «formuły miru». Ci pryniasie jon mir?
Udzieł u samicie voźmuć 92 krainy i vosiem arhanizacyj. Biełaruś i Rasija, biezumoŭna, nie ŭdzielničajuć.
Na šviejcarskim kurorcie Biurhienštok siońnia adkryjecca arhanizavany Ukrainaj hłabalny samit, na jakim budzie abmiarkoŭvacca ŭkrainskaja «formuła miru». Jon praciahniecca ŭsie vychodnyja i, jak spadziajucca arhanizatary, dapamoža «inicyjavać mirny praces, stvaryć atmaśfieru davieru i vyznačyć idei dla nastupnych krokaŭ na šlachu da takoha pracesu», piša Bi-bi-si.
Dyskusii na samicie miru praciahnucca dva dni i, jak čakajecca, skončacca pryniaćciem vynikovaha kamiunikie, jakoje budzie tyčycca troch punktaŭ «ukrainskaj formuły miru»: ab charčovaj biaśpiecy, radyjacyjnaj i jadziernaj biaśpiecy, a taksama humanitarnych pytańniaŭ — vyzvaleńnia ŭsich pałonnych i departavanych, u tym liku ŭkrainskich dziaciej.
U samicie voźmuć udzieł 100 delehacyj, u tym liku 92 krainy i vosiem arhanizacyj. Rasiju na samit nie zaprašali, ale, jak zajaviŭ šviejcarski ŭrad, «samit prapanuje mahčymaść upieršyniu abmierkavać na samym vysokim uzroŭni, jak i kali Rasija moža być uklučanaja ŭ hety praces». Nie zaprašali i Biełaruś
Ad udziełu ŭ samicie taksama admovilisia Kitaj, Brazilija i Saudaŭskaja Aravija, niekalki krain SND.
Napiaredadni samitu rasijski prezident Pucin vysunuŭ svaje ŭmovy spynieńnia vajny va Ukrainie: vyvad ukrainskich vojskaŭ z terytoryi Danieckaj, Łuhanskaj, Zaparožskaj i Chiersonskaj abłaściej, a taksama admova Kijeva ad ustupleńnia ŭ NATA.
Kijeŭ nazvaŭ umovy Pucina nierealistyčnym ultymatumam, jakomu nielha daviarać. Pa słovach Zialenskaha, Pucin nie spynić vajenny nastup, navat kali jaho patrabavańni ab spynieńni ahniu buduć vykananyja.
Hienieralny sakratar NATA Jens Stołtenbierh acharaktaryzavaŭ prapanovy Pucina prapanovaj «bolšaj ahresii, bolšaj akupacyi», padkreśliŭšy, što «heta nie Ukraina pavinna vyvodzić vojski z ukrainskaj terytoryi, heta Rasija pavinna vyvieści svaje vojski z akupavanaj ukrainskaj ziamli».
Pucin nazvaŭ umovy spynieńnia ahniu i pačatku pieramoŭ pa Ukrainie
Pucin zajaviŭ, što byŭ hatovy nie akupavać paŭdniovyja vobłaści Ukrainy ŭ abmien na suchaputny kalidor u Krym
Pucin: Rasijskija vojski ŭ 2022 hodzie nie źbiralisia šturmavać Kijeŭ
«Standartny nabor ahresara». U Ofisie Zialenskaha prakamientavali «mirny płan» Pucina
Ciapier čytajuć
Viarnuŭsia ź Litvy — i byŭ aryštavany za danaty. Hety bijołah raniej daśledavaŭ lejkozy — jaho fiłasofija natchniaje5
Kamientary