У Швейцарыі стартуе двухдзённы саміт, прысвечаны абмеркаванню ўкраінскай «формулы міру». Ці прынясе ён мір?
Удзел у саміце возьмуць 92 краіны і восем арганізацый. Беларусь і Расія, безумоўна, не ўдзельнічаюць.
На швейцарскім курорце Бюргеншток сёння адкрыецца арганізаваны Украінай глабальны саміт, на якім будзе абмяркоўвацца ўкраінская «формула міру». Ён працягнецца ўсе выходныя і, як спадзяюцца арганізатары, дапаможа «ініцыяваць мірны працэс, стварыць атмасферу даверу і вызначыць ідэі для наступных крокаў на шляху да такога працэсу», піша Бі-бі-сі.
Дыскусіі на саміце міру працягнуцца два дні і, як чакаецца, скончацца прыняццем выніковага камюніке, якое будзе тычыцца трох пунктаў «украінскай формулы міру»: аб харчовай бяспецы, радыяцыйнай і ядзернай бяспецы, а таксама гуманітарных пытанняў — вызвалення ўсіх палонных і дэпартаваных, у тым ліку ўкраінскіх дзяцей.
У саміце возьмуць удзел 100 дэлегацый, у тым ліку 92 краіны і восем арганізацый. Расію на саміт не запрашалі, але, як заявіў швейцарскі ўрад, «саміт прапануе магчымасць упершыню абмеркаваць на самым высокім узроўні, як і калі Расія можа быць уключаная ў гэты працэс». Не запрашалі і Беларусь
Ад удзелу ў саміце таксама адмовіліся Кітай, Бразілія і Саудаўская Аравія, некалькі краін СНД.
Напярэдадні саміту расійскі прэзідэнт Пуцін высунуў свае ўмовы спынення вайны ва Украіне: вывад украінскіх войскаў з тэрыторыі Данецкай, Луганскай, Запарожскай і Херсонскай абласцей, а таксама адмова Кіева ад уступлення ў НАТА.
Кіеў назваў умовы Пуціна нерэалістычным ультыматумам, якому нельга давяраць. Па словах Зяленскага, Пуцін не спыніць ваенны наступ, нават калі яго патрабаванні аб спыненні агню будуць выкананыя.
Генеральны сакратар НАТА Енс Столтэнберг ахарактарызаваў прапановы Пуціна прапановай «большай агрэсіі, большай акупацыі», падкрэсліўшы, што «гэта не Украіна павінна выводзіць войскі з украінскай тэрыторыі, гэта Расія павінна вывесці свае войскі з акупаванай украінскай зямлі».
Пуцін назваў умовы спынення агню і пачатку перамоў па Украіне
Пуцін заявіў, што быў гатовы не акупаваць паўднёвыя вобласці Украіны ў абмен на сухапутны калідор у Крым
Пуцін: Расійскія войскі ў 2022 годзе не збіраліся штурмаваць Кіеў
«Стандартны набор агрэсара». У Офісе Зяленскага пракаментавалі «мірны план» Пуціна
Каментары