Žycharoŭ Polščy zaklikajuć paviedamlać ab padazronych ludziach la «bufiernaj zony»
Žycharoŭ Polščy zaklikajuć paviedamlać ab padazronych asobach la «bufiernaj zony». Adpaviednyja abviestki nakiroŭvajucca adrasatam, jakija znachodziacca ŭ niepasrednaj blizkaści ad dadzienaj terytoryi ŭ niekatorych častkach Padlašskaha i Lublinskaha vajavodstvaŭ, piša reform.news
«Uvaha: znachodžańnie ŭ bufiernaj zonie, prylehłaj da miažy ź Biełaruśsiu, zabaroniena. Vykonvajcie ŭkazańni słužbaŭ. Budźcie pilnyja i paviedamlajcie ab padazronych asobach», — pryvodzić tekst paviedamleńnia Centr dziaržaŭnaj biaśpieki.
Adznačajecca, što papiaredžańnie tyčycca tolki zabaronienaj zony, a nie cełych rajonaŭ.
U Polščy z 13 červienia pačała dziejničać zabaronienaja zona na miažy ź Biełaruśsiu. Jano praduhledžvaje zabaronu na znachodžańnie pablizu miažy ź Biełaruśsiu. Zona achoplivaje ŭčastak miažy praciahłaściu 60,67 km u Biełaviežskaj puščy. Pry hetym na 44 km jana raspaścirajecca na hłybiniu 200 mietraŭ, a na ŭčastku 16 km — da 2 km.u zonu patrapili ŭčastki miažy, za jakija adkazvajuć zastavy ŭ Naraŭcy, Biełaviežy, Dubičach-Carkoŭnyz, Čaromšy, dzie adznačajecca bolš za ŭsio sprobaŭ parušeńnia miažy mihrantami, u tym liku źviazanych z ahresiŭnymi dziejańniami z boku zamiežnikaŭ.
Miarkujecca, što jana budzie dziejničać ciaham 90 dzion.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary