Ministerstva padatkaŭ i zboraŭ apublikavała infarmacyju pra maksimalnyja roźničnyja ceny na cyharety ź filtram, jakija pačnuć dziejničać z 1 lipienia 2024 hoda.
U adpaviednaści z apublikavanaj infarmacyjaj, u Biełarusi z hetaj daty pavinien vyraści košt niekalkich dziasiatkaŭ marak: 20 — vyrablenych tytuniovaj fabrykaj «Nioman», 22 — vyrablenych TAA «Tytuń-Inviest», 27 — vyrablenych TAA «Sientoni PRO», 8 — tych, jakija ŭvoziacca dziaržpradpryjemstvam «Biełaruśhandal».
Pakolki mnohija z hetych marak dublujucca, to-bok vyrablajucca abo ŭvoziacca adrazu niekalkimi pradpryjemstvami, to pa fakcie havorka idzie ab źmienie cenaŭ tolki na 31 najmieńnie: 9 marak brenda Kent, 5 marak brenda Rothmans, 8 marak brenda Pall Mall, 8 marak brenda Lucky Strike i 1 marku brenda «Karona».
Ceny vyrastuć na 20-30 kapiejek, a vyrablenaja TAA «Tytuń-Inviest» marka Karona Slims Green stanie kaštavać na 15 kapiejek bolš. Marki, što vyrablajucca TAA «Inter tabaka», i impartavanyja TAA «Sientoni PRO», nie padaražejuć.
Akramia taho, z apublikavanaj infarmacyi vynikaje, što «Biełaruśhandal» pačnie ŭvozić novyja dla ajčynnaha rynku marki cyharet — Kent Crystal Red i Kent Crystal Exotic, abiedźvie canoj u 5,80 rubla.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary