10 lipienia 1994 hoda adbyŭsia druhi tur pieršych prezidenckich vybaraŭ, u vyniku jakoha Alaksandr Łukašenka pieramoh premjer-ministra Viačasłava Kiebiča i staŭ prezidentam krainy.
Z taho času jon aficyjna pieramahaŭ na vybarach jašče piać razoŭ: u 2001-m, 2006-m, 2010-m, 2015-m i 2020-m hadach.
Pryčym abviaščeńnie vynikaŭ u 2006-m, 2010-m i 2020-m pryvodziła da pratestaŭ.
U 2006 hodzie na Kastryčnickaj płoščy ŭźnik namiotavy haradok, jaki byŭ źniščany ŭ noč na 24 sakavika, praz administracyjnyja aryšty prajšli dziasiatki čałaviek.
19 śniežnia 2010 hoda masavaja demanstracyja była razahnanaja na płoščy Niezaležnaści, niekalki sotniaŭ čałaviek byli zatrymanyja, u tym liku i siem kandydataŭ u prezidenty. Andrej Sańnikaŭ i Mikoła Statkievič byli asudžanyja da realnych terminaŭ. Uładzimir Niaklajeŭ pravioŭ miesiac za kratami, Aleś Michalevič — dva miesiacy ŭ turmie. Vital Rymašeŭski, Dźmitryj Us i Ryhor Kastusioŭ byli zatrymanyja na niejki čas, ale potym vypuščanyja.
Falsifikacyja vynikaŭ vybaraŭ u 2020 hodzie naohuł pryviała da niečuvanych pratestaŭ, jakija doŭžylisia niekalki miesiacaŭ.
Adnačasova z pratestami pačalisia masavyja represii, dziasiatki tysiač ludziej prajšli praz administracyjnyja aryšty i štrafy, tysiačy — praź SIZA i kałonii, dziasiatki tysiač, kali nie sotni tysiač byli vymušanyja emihravać. Represii nie spyniajucca i siońnia.
Źbieh abstavinaŭ, jaki možna było praduchilić. Jak Łukašenka pieramoh na vybarach-1994 i čamu historyja mahła pajści inakš
Milinkievič nazvaŭ mahčymaha pierajemnika Łukašenki, ale zaklikaŭ nie pieražyvać
«Łukašenka budzie razmaŭlać z narodam, a my za jaho śpinaj — rabić reformy». Pra što kazaŭ Fiaduta paśla pieramohi Łukašenki ŭ 1994-m
Drakachrust acaniŭ šancy Viktara i Mikałaja Łukašenkaŭ na ŭładu
Chto moža stać biełaruskim Chruščovym? Viersija Drakachrusta
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
https://youtube.com/watch?v=uSqoHOV-CMw
https://youtube.com/watch?v=smAKul3e_zI
Pad jaho abrańnie navat Kanstytucyju pierapisali, bo było možna tolki tym, chto 40+ ŭ kandydaty iści. A zrabili 35+.
A pad kaho zrabili? Usie astatnija kandydaty 1994 hoda byli starejšyja za 40+. Voś i dumajcie: vypadkova pierapisali Kanstytucyju, ci kankretna pad Łukašenku. Jaki adziny z kandydataŭ byŭ małodšy, mieŭ tolki 39 hod i nie ŭpisvaŭsia pa ŭzroście.
Uźnikaje ŭ vas usich pytańnie: heta vypadkova było zroblena, ci Łukašenku viali ad samaha pačatku śpiecsłužby i pad jaho navat kanstytucyju pierapisali PIERAD vybarami 1994 hoda?