Drakachrust acaniŭ šancy Viktara i Mikałaja Łukašenkaŭ na ŭładu
Akramia hetaha, ŭ novym vypusku TOKu palitołah Juryj Drakachrust adkazaŭ, kamu z synoŭ dyktatara jon addaŭ by pieravahu.
Drakachrust nie admaŭlaje, što ŭ Viktara Łukašenki jość šancy atrymać uładu paśla sychodu Alaksandra Łukašenki. U toj ža čas jon zaŭvažaje, što ŭ Biełarusi «trochi inšaja kultura»:
«My nie Centralnaja Azija, nie Kaŭkaz, dzie pieradača ŭłady ŭ spadčynu — naturalnaje myśleńnie».
Akramia hetaha, na pohlad palitołaha, Viktara Łukašenku «chutčej inšyja źjaduć».
Bolš imaviernym Drakachrust ličyć scenar, kali kandydatura Viktara, jak i Mikałaja Łukašenki, moža źjavicca ŭ jakaści kandydata na prezidenckich vybarach praz cykł:
«Kali, umoŭna kažučy, paśla Łukašenki prychodziać niejkija inšyja ludzi, składajecca inšaja, nie samaja dobraja situacyja. I potym uźnikaje zapyt na kroŭ, dom Łukašenki. Takoje ŭźnikała ŭ roznych krainach. Ale adrazu paśla — nie dumaju. Chutčej nie. Chutčej źjaduć».
Kali b byŭ vybar pamiž Mikałajem i Viktaram Łukašenkam, Drakachrust by pastaviŭ na Mikałaja.
«Bolš niapeŭnaja situacyja i maładziejšy. Tut bolš pazityŭnych scenaraŭ było b. Viktar — čałaviek hetaj elity i ciapierašniaha dośviedu, a Mikałaj usio ž taki maładziejšy. Jon bačyŭ štości inšaje i bolš adpaviadaje času, što my bačym navat pa replikach samoha Alaksandra Łukašenki.
U jaho vielmi šmat spasyłak na toje, što Mikałaj inšy, što ŭ jaho šmat pra što zusim inšaje ŭjaŭleńnie», — tłumačyć palitołah.
Hladzicie całkam:
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary