200-hadovy budynak ułady abiacali adnavić jašče ŭ pazaminułym dziesiacihodździ, ale tak i nie vykanali abiacańnia. Ciapier šukajuć tych, chto zrobić heta za ich.
Abviestka ab prodažy redziuita (unutranaha punkta abarony krepaści, jakija ŭzvodzilisia ŭnutry zakrytych umacavańniaŭ dla ich uzmacnieńnia) pa adrasie Krapasny Vał, 27 źjaviłasia na sajcie Babrujskaha harvykankama. Pačatkovaja cana za dvuchpaviarchovy budynak płoščaj 545,7 m2 z frahmientam cahlanaj padpornaj ściany vała składaje adnu bazavuju vieličyniu (40 rubloŭ).
Ale abaviazkovaj umovaj źjaŭlajecca vykanańnie ramontna-restaŭracyjnych rabot na abjekcie na praciahu 3 hadoŭ z momantu prodažu, bo budynak źjaŭlajecca častkaj Babrujskaj krepaści, uniesienaj u Dziaržaŭny śpis historyka-kulturnych kaštoŭnaściej jak pomnik respublikanskaha značeńnia.
Redziuit pravaha ŭvachodnaha płacdarma 2-ha palihona byŭ pabudavany ŭ 1820 hodzie na paŭnočna-zachodniaj uskrainie krepaści. Sami abarončyja vały byli zrytyja ŭ 1960-ja hady sałdatami tankavaj vajskovaj čaści, jakaja raźmiaščałasia na terytoryi krepaści.
Vystaŭleny na prodaž budynak siońnia ŭ davoli harotnym stanie i ciarpić ad vandałaŭ, ale byŭ pabudavany nastolki nadziejna, što cełasnaści svajoj dahetul nie straciŭ, niahledziačy na toje, što zakinuty dosyć daŭno.
U adroźnieńni ad mnohich inšych zbudavańniaŭ krepaści, hety redziuit raźmieščany dosyć zručna — na placoŭcy pierad «Babrujsk-Arenaj».
Spartyŭny kompleks byŭ pabudavany ŭ 2006-2008 hadach na chvali bumu budaŭnictva ladovych pałacaŭ u Biełarusi, jaki źviazvajecca z tym, što Alaksandr Łukašenka jašče ŭ 1990-ja hady zachapiŭsia chakiejem i staŭ, pavodle mierkavańnia dziaržaŭnaj prapahandy, kapitanam «najmacniejšaj amatarskaj kamandy śvietu».
Za toje, što heta ahromnistaje zbudavańnie na 7 tysiač hledačoŭ budzie ŭźviedziena na terytoryi histaryčnaha pomnika, miascovyja ŭłady abiacali, što pryviaduć zaadno ŭ paradak krepaść. Ale ŭ vyniku krepaść nie atrymała aničoha akramia manstruoznaj areny, jakuju paraŭnoŭvajuć z patelniaj, nakrytaj nakryŭkaj z ručkaj, i hołaj pustki sa składanym malunkam darožak pierad joj.
-
Hałoŭny korpus Nacyjanalnaha mastackaha muzieja ŭračysta zakryjuć na rekanstrukcyju
-
Zakachany ŭ biełaruskuju movu matematyk i śviatar, jaki vyvučyŭ anhlijskuju pa detektyvach Ahaty Kryści. 100 hadoŭ Alaksandru Nadsanu
-
U Minsku z histaryčnaha doma na Vaładarskaha źnik znakamity «bałkon načalnika turmy»
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary