Siońnia ŭ Paryžy adkryvajecca Alimpijada. Ad Biełarusi ŭdzielničaje minimalnaja kolkaść spartoŭcaŭ
Siońnia viečaram (20:30) u Paryžy projdzie cyrymonija adkryćcia Letnich alimpijskich hulniaŭ. Pieršyja miedali buduć razyhranyja ŭžo ŭ subotu.
Ad Biełarusi ŭdzielničaje minimalnaja kolkaść spartoŭcaŭ — 17 čałaviek. Heta atrymałasia ŭ vyniku sankcyj, nakładzienych paśla napadu Rasii na Ukrainu z vykarystańniem biełaruskaj terytoryi.
U Paryž zmahli pajechać tolki tyja, chto nie padtrymaŭ vajnu va Ukrainie, a taksama nie naležyć da siłavych struktur (achilesava piatka dla biełaruskaha sportu, dzie jašče z savieckaha času spartoŭcy časam farmalna prypisanyja da takich viedamstvaŭ)
Taksama niekatoryja biełaruskija spartoŭcy nie paśpieli paŭdzielničać u kvalifikacyjnych spabornictvach, kab atrymać pucioŭki na Hulni, a niekatoryja spartyŭnyja fiederacyi prosta nakłali ban na ich udzieł.
Biełarusy, jak i rasijanie, buduć vystupać u niejtralnym biez paznačeńnia krainy statusie, a taksama ŭ vypadku pieramohi biez vykanańnia himna.
Takim čynam spartoŭcaŭ jedzie ŭsiaho 17 čałaviek.
Baraćba hreka-rymskaja
1. Abubakar Chasłachanaŭ
Baraćba volnaja
2. Mahamiedchabib Kadzimahamiedaŭ
Viełasport
3. Hanna Cierach
Viesłavańnie akademičnaje
4. Jaŭhien Załaty
5. Taćciana Klimovič
Viesłavańnie na bajdarkach i kanoe
6. Uładzisłaŭ Kraviec
7. Julija Truškina
Płavańnie
8. Illa Šymanovič
9. Anastasija Škurdaj
10. Alina Zmuško
Skački na batucie
11. Vijaleta Bardziłoŭskaja
12. Ivan Litvinovič
Stralba kulavaja
13. Darja Čuprys
14. Alaksandra Piatrova
Taekvando
15. Hieorhij Hurcyjeŭ
Ciažkaja atletyka
16. Siuzana Vaładźko
17. Jaŭhien Cichancoŭ
Papiaredni minimum byŭ u Tokia-2021, dzie brali ŭdzieł 108 biełaruskich atletaŭ. Jany zavajavali taksama minimalnuju za ŭvieś čas kolkaść miedaloŭ — siem uznaharodaŭ (adno zołata, try siarebranyja i try bronzavyja miedali).
Na Alimpijadzie ŭ Rya-de-Žaniejra ŭ 2016 hodzie ŭdzielničali 124 biełaruskija spartoŭcy, jakija pryvieźli dzieviać uznaharodaŭ (1+4+4).
Sioleta aŭtarytetny spartovy časopis Sport Illustrated prahnazuje, što biełarusy zavajujuć dva miedali: zołata voźmie taekvandyst Hieorhij Hurcyjeŭ, a srebra batutyst Ivan Litvinovič, jaki ŭ Tokia staŭ alimpijskim čempijonam.
Rasijskich spartoŭcaŭ u niejtralnym statusie jedzie naohuł 15 čałaviek, i Sport Illustrated piša, što miedaloŭ Rasija nie voźmie ŭvohule. U Tokia-2021 u Rasii byŭ 71 miedal.
Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili
Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał
Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady
«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž
Izrail papiaredziŭ Francyju ab mahčymym terakcie padčas Alimpijady
Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy7
Kamientary