Voś što kaža statystyka.
Pra pośpiechi Rasii vice-premjerka Taćciana Holikava raskazała na forumie «Zdarovaje hramadstva». Čynoŭnica adznačyła, što ŭ Rasii istotna — z 40% da 19% — skaraciłasia kolkaść kurcoŭ. I heta z ulikam vajpaŭ.
Rasijanie taksama na 9% mienš stali jeści chleba. Adnak pry hetym u ich racyjonie na nizkim uzroŭni zastajecca spažyvańnie ryby, sadaviny i harodniny.
A samaje hałoŭnaje, pa słovach čynoŭnicy, rasijanie stali značna mienš pić ałkaholu. Kali ŭ 2009 hodzie vypivali ŭ siarednim na adnaho čałavieka 14 litraŭ, to ciapier trochi bolš za 8 litraŭ.
Ale tut jana padmanuła. Nasamreč, pa danych Rasstata, u 2017 hodzie spažyvańnie ałkaholu ŭ Rasii było na ŭzroŭni siami litraŭ. Pa danych taho samaha Rasstata, u 2023 hodzie prodažy ałkaholu ŭ Rasii akazalisia rekordnyja za apošnija dzieviać hadoŭ.
I hetaja tendencyja praciahnułasia ŭ 2024 hodzie. Tak, pa infarmacyi Rosałkaholtytuńkantrolu, za pieršaje paŭhodździe hetaha hoda ŭ Rasii hety pakazčyk vyras na 4,9% u hadavym vymiareńni.
Najbolš mocnaha ałkaholu kuplali ŭ pieraliku na dušu nasielnictva, pa danych 2023 hoda, žychary Sachalina, Karelii, Komi, Mahadanskaj vobłaści i Nienieckaj aŭtanomnaj akruhi.
U svaim vystupie Holikava raskazała i ab praciahłaści žyćcia ŭ Rasii, hety pakazčyk istotna vahajecca ŭ zaležnaści ad rehijona. Tak, žychary Kaŭkaza i maskvičy ŭ siarednim žyvuć 79 hadoŭ. A voś u Čukockaj aŭtanomnaj akruzie — tolki 66 z pałovaj.
Holikava nahadała, što adpaviedna nacyjanalnym metam raźvićcia Rasii da 2030 hoda čakanaja praciahłaść žyćcia maje vyraści da 78 hadoŭ, a da 2036-ha — da 81 hoda.
Adnak čynoŭnica nie skazała pra toje, što isnujuć vialikija sumnievy ŭ tym, što hetaha atrymajecca dasiahnuć. U cełym pa krainie, pa infarmacyi Rasstata na červień 2024 hoda, praciahłaść žyćcia skłała 73,2 hoda. Hety pakazčyk paśla nievialikaha rostu ŭ papiarednija hady ciapier apuściŭsia da ŭzroŭniu 2017 hoda. Pryčyny vidavočnyja — rost spažyvańnia ałkaholu i vajna va Ukrainie.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary