U Karelii FSB zabiła biełarusa. Jaho zapadozryli ŭ padrychtoŭcy dyviersii
49-hadovy Mikałaj Alaksiejeŭ zahinuŭ 6 sakavika ŭ Ałanieckim rajonie Respubliki Karelija (Rasija). Alaksiejeŭ — aktyvist ź Biełarusi, udzielnik pratestaŭ 2020 hoda. Pa aficyjnaj viersii, jon rychtavaŭ dyviersiju i adstrelvaŭsia ad siłavikoŭ.
Pavodle infarmacyi rasijskich siłavikoŭ, napiaredadni Alaksiejeva vysačyli kala susiedniaj vioski, dzie jon chavaŭ vybuchoŭku. A kali jaho pryjšli aryštoŭvać, akazaŭ supraciŭ i byŭ zabity. FSB nazyvaje jaho členam «Pałka Kalinoŭskaha» i zajaŭlaje, što Alaksiejeŭ źbiraŭsia zakłaści vybuchoŭku ŭ budynku administracyi Ałanieckaha rajona Karelii.
Mikałaj Alaksiejeŭ aktyŭna vystupaŭ suprać Łukašenki, publikavaŭ fatahrafii z pratestaŭ u 2020 hodzie, raźmiaščaŭ u sacyjalnych sietkach pasty ab parušeńniach pravoŭ čałavieka ŭ krainie. Pa infarmacyi rasijskich siłavikoŭ, u 2022 u Biełarusi jaho abvieścili ŭ vyšuk za «abrazu Łukašenki».
Voś, naprykład, publikacyja aktyvista ad 25 červienia 2021 hoda:
«Toje, što adbyvajecca zaraz u majoj krainie, nazyvajecca adnym słovam — hienacyd. Heta hienacyd našaha naroda. Nachabnaja biespardonnaja chunta na čale z samazvancam siłaj zachapiła ŭładu.
Voś užo amal hod narod Biełarusi viadzie suprać ich baraćbu. U mnohich apuskajucca ruki, chtości jašče nie da kanca ŭśviadomiŭ, što represii zakranuć usich biez vyklučeńnia», — pisaŭ tady Mikałaj.
Na avatarcy ŭ Alaksiejeva stajali biełaruskaja Pahonia i ŭkrainski Tryzub.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary