Mužčyna zadekłaravaŭ na biełaruskaj miažy 235 tysiač jeŭra, ale ich usio adno kanfiskavali
Hramadzianin Hruzii sprabavaŭ vyvieźci ź Biełarusi praz punkt propusku «Bieniakoni» 235 tysiač jeŭra. Pakolki suma najaŭnych hrošaj pieravyšała 100 tysiač dołaraŭ, mužčyna pradstaviŭ nieabchodnyja dakumienty ab pachodžańni hrošaj.
Haradzienskija mytniki zasumniavalisia ŭ sapraŭdnaści zajaŭlenych źviestak i praviali pravierku. Jany vyśvietlili, što hrošy pastupili hramadzianinu ad nieisnujučych firmaŭ.
Pa fakcie niezakonnaha pieramiaščeńnia praz mytnuju miažu hrašovych srodkaŭ u bujnym pamiery Hrodzienskaj rehijanalnaj mytniaj raspačata kryminalnaja sprava. Sankcyja artykuła č. 2 art. 228 KK (niezakonnaje pieramiaščeńnie praź miažu najaŭnych hrošaj u bujnym pamiery) praduhledžvaje pakarańnie až da pazbaŭleńnia voli na termin da piaci hadoŭ.
Hrašovyja srodki kanfiskavanyja da rašeńnia suda.
Kamientary