Avijaŭdar byŭ naniesieny pa jaho rezidencyi ŭ stalicy Irana, kudy jon pryjechaŭ na inaŭhuracyju novaha prezidenta krainy.
CHAMAS paviedamiła ab hibieli kiraŭnika palitbiuro ruchu Ismaiła Chanii ŭ vyniku ŭdaru Izraila pa jaho rezidencyi ŭ stalicy Irana Tehieranie:
«Ruch isłamskaha supracivu CHAMAS vykazvaje spačuvańni synam našaha vialikaha paleścinskaha naroda. Ismaił Chanija, kiraŭnik ruchu, byŭ zabity ŭ vyniku vierałomnaha nalotu sijanistaŭ na jaho rezidencyju ŭ Tehieranie paśla jaho ŭdziełu ŭ cyrymonii inaŭhuracyi novaha prezidenta Irana», — cytujuć suśvietnyja ŚMI zajavu CHAMAS.
Izrailskija ŭłady aficyjnych zajavaŭ ab hibieli Chanii pakul nie rabili. Adzinym čynoŭnikam, jaki vykazaŭsia pra zabojstva Chanii, staŭ ministr pa spravach Jerusalima i spadčynie Izraila Amichaj Elijachu, jaki nazvaŭ jaho «pravilnym sposabam ačyścić śviet ad hetaha brudu».
***
Ismaił Chanija naradziŭsia 29 studzienia 1963 hoda ŭ łahiery paleścinskich biežancaŭ Šaaci ŭ Hazie. U 1987 hodzie skončyŭ Isłamski ŭniviersitet Hazy pa kafiedry arabskaj litaratury, i ŭ tym ža hodzie ŭstupiŭ u šerahi novaha «isłamskaha ruchu supracivu» (CHAMAS).
U 1992 hodzie Ismaił Chanija byŭ departavany Izrailskimi ŭładami ŭ Paŭdniovy Livan, praz hod jon viarnuŭsia ŭ siektar Haza i pačaŭ pracavać u Isłamskim univiersitecie.
Chanija źjaŭlaŭsia adnym ź bližejšych pamočnikaŭ duchoŭnaha lidara CHAMASa šejcha Achmada Jasina. U 1998 hodzie jon uznačaliŭ jaho kancylaryju.
U 2004 hodzie paśla źniščeńnia Jasina i jaho pierajemnika Abd al-Aziza Rancisi Ismaił Chanija ŭznačaliŭ urad CHAMASa ŭ Hazie.
U mai 2017-ha Ismaił Chanija byŭ abrany novym kiraŭnikom Palitbiuro CHAMAS.
Chanija apošnija hady pražyvaŭ u stalicy Katara. Jaho asabistaja majomaść aceńvałasia ŭ bolš čym 4 miljardy dalaraŭ.
Mnohija syny Ismaiła Chanii i inšyja jaho svajaki byli likvidavanyja padčas vajennaj apieracyi «Žaleznyja miačy» ŭ Hazie, jakaja pačałasia paśla raźni, učynienaj terarystami CHAMASa ŭ Izraili 7 kastryčnika 2023 hoda.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary