Na litoŭska-biełaruskaj miažy pierachapili try aŭto, schavanyja ŭ tualetnaj papiery
Niezvyčajny vypadak adbyŭsia ŭ subotu na litoŭskim pamiežnym pierachodzie «Miedniki».
Hramadzianin Uźbiekistana, jaki pryjechaŭ na post na fury Man, zajaviŭ, što pieravozić 720 kh tualetnaj papiery, paviedamlaje Litoŭskaja mytnia.
Adnak mytniki, jakija praviarali mašynu z dapamohaj renthienaŭskaj sistemy kantrolu, padumali, što ŭ paŭpryčepie moža być kantrabanda. Pry detalovym ahladzie paŭpryčepa, u zadniaj častcy jakoha byli składzienyja skryni z tualetnaj papieraj, a bakavicy zakrytyja DSP, byli vyjaŭlenyja try mašyny: Toyota Land Cruiser.
Kiroŭca skazaŭ, što vielmi ździŭleny takoj znachodkaj i zajaviŭ aficeram, što ničoha nie viedaŭ pra sakretny hruz.
Adnak supracoŭniki Vilenskaha adździaleńnia mytnaj kryminalnaj słužby pačali dasudovaje rasśledavańnie pa fakcie kantrabandy.
Parušalniku pahražaje štraf abo turemnaje źniavoleńnie na termin da vaśmi hadoŭ. Paśla dopytu jamu byli pryznačanyja miery strymańnia — u jaho ŭziali piśmovaje abiacańnie nie vyjazdžać i zabrali dakumienty.
Zatrymanyja mašyny aceńvajucca ŭ 87 tysiač jeŭra.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?8
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary