Ukrainskaja apieracyja ŭ Rasii pryviała da kałapsu na čyhuncy: RŽD nie prymaje sastavy ź Biełarusi na Maskoŭskim i Branskim kirunkach
Asnoŭnyja resursy Rasijskaja čyhunki kinuła na transparciroŭku pierasialencaŭ, pierakidvańnie vajskovaj techniki i asabistaha składu, paviedamlaje supolnaść čyhunačnikaŭ.
Pavodle niezaležnych čyhunačnikaŭ, na adras BČ była nakiravana telehrama ab nieabchodnaści spynieńnia adpraŭki z 12 žniŭnia 2024 hoda hruzavych ciahnikoŭ z usich stancyj BČ pryznačeńniem da stancyj Arłoŭska-Kurskaha adździaleńnia Maskoŭskaj čyhunki. Paviedamleńnie nie abmiežavanaje terminam dziejańnia, a maje adznaku «da admieny».
Taksama jość prablemy z sastavami na stancyjach Smalenskaj vobłaści, što taksama ŭpłyvaje na rytmičnaść adpraŭki hruzavych ciahnikoŭ ad BČ i viadzie da parušeńnia hrafika ruchu.
Jak pišuć čyhunačniki, 13.08.2024 hoda byli telefonnyja zvanki da kiraŭnictva BČ z prośbami nie adpraŭlać ciahniki ŭ napramku Smalenskaha rehijonu. Tam vialikija prablemy z łakamatyvami i asabovym składam.
«Našy krynicy paviedamlajuć, što adsutnaść łakamatyvaŭ vyklikana praviadzieńniem rasijskimi ŭładami maštabnaj apieratyŭnaj pierakidki vojskaŭ na kirunku Kurskaj vobłaści i pieradysłakacyjaj značnaj častki parka hruzavych łakamatyvaŭ dla ažyćciaŭleńnia vajskovych pieravozak z centralnaj častki Rasii», — pišuć čyhunačniki.
Heta moža paŭpłyvać nie tolki na ekspart, ale i na ŭvoz tavaraŭ u Biełaruś.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary