Pucin paabiacaŭ razabracca z «bandytami, jakija zabralisia ŭ Kurskuju vobłaść»
Apieracyja Kijeva ŭ Kurskaj vobłaści pravalicca, i paśla hetaha Ukraina zachoča pierajści da pieramovaŭ, zajaviŭ Uładzimir Pucin na adkrytym uroku «Razmovy pra važnaje» ŭ adnoj sa škoł Kyzyła, piša RBK.
Pucin znoŭ nazvaŭ dziejańni USU pravakacyjaj. Sa słoŭ Pucina, Rasieja nikoli nie admaŭlałasia ad pieramovaŭ i vyrašeńnia pytańniaŭ mirnymi srodkami.
«Ale treba, viadoma, razabracca z hetymi bandytami, jakija zabralisia na terytoryju Rasijskaj Fiederacyi, u Kurskuju vobłaść, i sa sprobami destabilizavać situacyju ŭ pamiežžy ahułam», — skazaŭ jon.
USU atakavali Kurskuju vobłaść, kab spynić nastup Rasii na hałoŭnych učastkach Danbasa, upeŭnieny Pucin.
«Vynik viadomy? Tak, viadomy. Pierš za ŭsio heta tyčycca našych ludziej, ludzi prachodziać praź ciažkija vyprabavańni, asabliva ŭ Kurskaj vobłaści, ale hałoŭnaj zadačy, jakuju staviŭ praciŭnik — spynić nastup na Danbasie, — jany nie dasiahnuli».
Sa słoŭ Pucina, rasijskija vojski na Danbasie biaruć pad kantrol terytoryi «nie pa 200-300 m, a kvadratnymi kiłamietrami». Minabarony Rasii rehularna paviedamlaje ab «zaniaćci novych nasielenych punktaŭ u DNR».
-
Zialenski zajaviŭ pra hatoŭnaść da mirnaha pahadnieńnia z raźmiežavańniem pa ciapierašniaj linii frontu
-
U Rasii čarhovy rehijon skaraciŭ vypłaty siemjam zahinułych na vajnie suprać Ukrainy
-
Adrezaŭ sabie stupniu nažom dla tušonki i praciahvaŭ vajavać. Historyja ŭkrainca, jakoha evakujavali bieśpiłotnikam paśla 491 dnia na pazicyi
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju80
Kamientary