Kiraŭnik Minabarony Brytanii: Apieracyja na Kurščynie pastaviła Pucina ŭ tupik, jon šukaje adkaz
Džon Chili nazvaŭ niepachisnuju padtrymku Ukrainy svaim «pryjarytetam numar adzin», a taksama adznačyŭ, što nastup ukrainskich Sił abarony na Kurskuju vobłaść pastaviŭ prezidenta Rasii ŭ tupik, i toj jašče vyrašaje, što rabić u adkaz, piša «Ukrainskaja praŭda».
Pavodle źviestak žurnalistaŭ, pra heta Chili zajaviŭ, vystupajučy na borcie samalota Karaleŭskich vajskova-pavietranych sił na šlachu ŭ Hiermaniju, dzie jon voźmie ŭdzieł u pasiadžeńni kantaktnaj hrupy ŭ pytańniach abarony Ukrainy.
«Ja hanarusia tym, što Vialikabrytanija abjadnałasia ŭ padtrymku Ukrainy, i ja byŭ rašuča nastrojeny, i Kir Starmier byŭ rašuča nastrojeny praciahnuć heta ź lejbarysckim uradam», — skazaŭ jon.
Taksama jon adznačyŭ, što nastup na Kurskuju vobłaść Rasiejskaj Fiederacyi «vidavočna pastaviŭ Pucina ŭ tupik, bo jon pakinuŭ častki svajoj miažy biezabaronnymi, i jon usio jašče vyznačaje, što rabić u adkaz, u toj čas jak Ukraina ŭtrymlivaje svaje pazicyi ŭ hetaj vobłasci».
Pamočniki ministra raspaviali žurnalistam, što jaho ambicyi zaklučajucca ŭ tym, kab jaho ličyli «misteram Ukraina» brytanskaha ŭrada — rolu, jakuju da niadaŭniaha času vykonvaŭ jaho papiarednik-kansiervatar Ben Uoles.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia29
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary